Thousand Year

N某星期二因爲返唔到學, 本應在星期四去補課
但N忽然想同O去玩, 而沒有上學

然後佢地去咗坐由港島西面東行到筲箕灣既電車
去了吃元朗的雞粥

農曆年尾, N屋企人年飯過後

ON與老婆、小梅、熙熙上深圳看燈

然後在元朗過夜後

再與卡卡家人年飯後出大坑笨笨的家

與小狗及新屋玩

N最近沈迷於每星期二晚上的動物節目
是先8:30的動物園
然後係9:30的野生動物世界
N問師傅, 如果有得揀會想做咩動物
睇完金光閃閃既鷹, N好想飛。
「家貓」師傅話。
『點解要痴住人喎』N心野野唔明白動物就解會喜歡被馴養
「因為可以懶惰」
這是3/5同3/6的分別嗎？

再一次與小梅遊澳門
也是ON+小梅Gary的組合
迫完多人到爆既信德碼頭
共住一間有蚤咬的酒店十六蒲
翌日共進了百幾元的酒店自助午餐
共同守夜老師的客串演出氹仔沙灘漫步

師傅再攰再攰, 都同N去睇夜晚10點既電影。
在一個星期日的晚上, 在荒蕪既Element.

O問n：呢幾年來，你覺得我有冇唔同咗？
n想唔到答案：應該冇掛、就算有...都係你喜歡變成既轉變。
n覺得自己同o同自己一樣，可以做自己。
n問：咁變咗啲乜呀？
o：唔知呀就係想問吓...
n得唔到答案就話：連你自己變咗乜都唔知我點知喎。

曾經聽過, 尋覓愛情, 兩個人相遇就好似天與地重聚一樣震撼 但係Ｏ同Ｎ既故事, 平靜, 沒有驚心, 也沒有動魄 最迴場盪氣既時候, 用上我的名字, 你的姓氏 從此以後, 已經足夠。  

翌日既夢，講出黎係咪好蠢呢

可能...N經已被培養成，有乜都不經思索就同師傅講。
N唸...放肆咁將每一件事坦露，就連反思結婚既事呢個念頭，都沒有過濾就傳遞了，係咪一種不負責任既行為呢？
與其說是反思，不如說，其實N還是沒有找到很非做不可的原因，去進行呢個改變。
曾經，N認為，唔使唸咁多，要黎既事自然會黎。
但原來係唔可行的。
N彷彿聽到師傅很厭惡既語氣問點解會有顧慮。

前一晚，N還在自豪地認為，相比起過去，自己當下係自由的...
但當佢被指示去睇留言後發現，
罣礙、牽絆既纏繞... 其實乜野係自主的呢。

師傅大部份時間都係沈迷喺佢手機既世界, 好多野其實都沒有反應...
直至佢感受到受到威脅？

個D夢, 真係如師傅所認為咁嚴重嗎？N一而再, 再而三咁去睇...
對於經常給N買消防車的師傅, 會有一天呷消防車的醋嗎？
N對師傅, 同對其他人唔同, 呢一點...點解連當時人都唔知道呢?

可能一時之間，N忘記咗師傅其實都只係凡人
佢都會不安、佢都會誤會、佢都有自己思想... 這是N的結論。

對於blog收到回應
實在係百年難得一遇的事
或許N應該因此感到開心
可惜佢唔係喜歡從呢樣野獲取存在感既人

「你會變得多疑敏感嗎?」
『唔知道。』

偏偏, N隱隱感到黑暗開始蔓延

原來入閘後2.5小時唔出閘，係會俾人扣最遠個程既車資... 呢個條例，喺師傅在九龍灣站等放學時，再次提醒了N。

『都係一個人自在D』師傅既呢句說話烙印喺N既心中...揮之不去。
仲有聽到呢句說話時, 佢朋友既突兀, 然後望咗N一眼既眼神...
混和著師傅喺機場話『雖然一個人去旅行好好, 但我都唔會再掉低你自己去旅行了』變得十分迷茫。

係因為N話「你好似講到冇試過唔係同我去既旅行咁喎」而有以上一番設計對白嗎？

『有試過，但之後唔會了，因為唔同咗了』師傅答

N在想：真係有分別嗎？或者係：真係需要有分別嗎？

人都是偏向停留於comfort zone吧。

『11月了, 去台灣仲有30度』N睇到天氣預報, 思考著星期日執好既行理, 要不要換上更輕便既衫。
「咁執條短牛仔褲去吧」師傅一邊為著打雙倍經驗值, 一邊回答問題。
就係咁, N面前唔知邊度跌咗袋野出黎。

『哎呀~~~~』師傅崩潰既表情, 令N懷疑佢係咪喺度開玩笑中。
『我本來唸住俾驚喜架~~~~~~』
(N唸：其實經已好驚喜)「咩呢？」呢刻既N有啲束手無策。
『既然係咁你開啦開啦...』
『我將成個世界都俾晒你喇, 唔好辜負我呀』


N想到, 早幾日睇戲時, 師傅說『我估我唔想要小朋友, 都係咁既原因, 我唔想負上太大責任』
N爭大眼望咗師傅一眼「你唔係一早經已係咁講喇咩？」呢個一路都係N心目中既已知答案
『係咩？等我仲好似發現新大陸咁添』師傅說

早前在溫書時，發覺因為唔開心冇記錄既野，過咗一段時日（比相象中短的時日）係會忘記得一乾二淨的。
這不是N的意願。咁難得經歷咗一條錯既路，如果冇好好記住，就浪費了。
所以N很努力燒碟、燒碟、燒碟。

「做咩因為我既過去而呷醋」N在師傅要求解夢既幾日後，忽然問。
『吓？』很明顯師傅沒有聽明白『你係解緊我個夢嗎？』
「嗯」
『人人都會呷醋架啦』
N因為在想著自己呷醋的事, 而忘記了追問。

「點解你今有唔妥我所有野喎！」
『吓？』跟N身後一袋二袋上咗深水埗地鐵既師傅，疑問並思考咗一下
N在前嬲爆爆全日都被不滿、被責備、被訓話。

大俠O拯救了N
發展了英雄救美的關係...
然後N遇上了初戀
變成了三行既關係...

N好欣賞的一出電影，佢遇上個導演、表現得很興奮
夢過既地方再次火燭
初戀旅行臨走前，同N有過份親密行為令自己感到不滿

大風為樺嘩生日,訂了中環的PUB吃晚飯。
之後Kayan（可能可以拎到行街紙）而意猶未盡, 在飲酒與唱歌之間, 大家去了執咗笠既neway。
然後落尖沙咀既中途, 陌友來電加入, 引致是晚玩到4點幾。

『一端在彼 一端在天 兩端成直線
　直線 永遠畫不出個圓』＠半句再見


N呢班中學同學, 個別地講出來年既計劃。
而其中一個更快重回岸上了。
對於這個看似很順理成章既事, 感覺有點複雜。

『離開小時候　有了自己的生活　新鮮的歌　新鮮的念頭
　任性和衝動　無法控制的時候　我忘記　還有這樣的歌』＠天黑黑

N接放學

然與師傅帶佢去以前住既地方：佐敦

吃師傅小時候吃的早餐

［童年時你與誰渡過...聖詩班中唱的歌...再哼一哼可以麼］

老婆說「佢(小芬）要接受既只係我既過去...」N想唔通...冇得返去既「過去」，應該點令人「接受」？言下之意，要改變的...有可能係歷史嗎？

唔與過去既人來往，就係與過去切斷嗎？仍然往來的話，就係留在過去？唔切割如N，也不會回到過去。
那天之後，日子一天一天向前。回頭路...隨著轉變既方向，逆向而去。
雖然偶爾，會有恐懼。

婚姻，不是終結、也不是開始。人生，存在於生與死之中。

「今日點呀？」師傅問
「咩點呢？」N反問
「你之前話過佢地態度唔理想嘛」師傅解釋。

因為，承受唔到傷痛，所以只會作出最壞的預算。所以現在既狀態，是比預想中好得多。

N想到師傅曾經講過：「雖然我唔能話我理解到你既感受，但我想講既係，我唔介意同埋佢地一齊去玩。」
師傅或者唔知道，呢段說話，比起講結婚，有著更重大既意義。因為...呢件係N一直以來唔願意談及既事。

師傅說不要在通宵班後舉行活動。
N好努力參照住師傅day off去安排假期，但都會令到師傅通宵完亢奮地參加節目，就好似上一次既科學館遊一樣。

為著星期三免費遊歷科學館，9月時N便cred咗10月份一個師傅的休息日。點知都係避唔過大型演練而改變了工作既師傅。
由三樓玩到落地下後，師傅終於在深海劇場投降了。
在黑色暴雨警告中，ON去了咖啡店，等待晚上與師傅媽媽入羅亞方舟試員工自助餐。

N於星期六既公司蒲台之旅因颱風海馬取消，所以可以在密集既行程表中，空檔時間出來報嘉年華。