Thousand Year

夢中, 開頭我坐住隻馬, 後來變咗隻大既駱駝
我駕住隻駱駝喺一個買野既地方行黎行去, 有個女人2次要求我隻駱駝行遠啲, 因爲佢老公敏感
但人地老公就話唔使，佢自己避開就得。
我落咗駱駝之後
同馬唔同，隻駱駝立即爬喺地下好似好攰咁
（馬係無時無刻都企直直）
爬喺地下既駱駝好似一隻牛, 佢不斷哄埋我度, 好似想錫我
但係我見到既係一隻黑忟忟既大水牛既嘴, 我推開咗

阿妹搵到一間食店, 喺電話想落柯打
間店午餐有4款, 基本上我地四個人, 準備叫晒四款唔同既餐
我個個係釀聖瓜, 但係間店好似係咁推銷餃子窩貼。
我都記得我層經幫襯過呢間餃子店。

發完呢個夢之後, N好想食鍋貼。

夢中去旅行, 一班人參加咗中國短線團
坐巴士/小巴 , 喺路上橫街窄行穿梭
有啲舊式商場搵食 (喺一層好似葵芳廣場既商場)
有一區係食野既, 我選擇咗買蒸籠點心, 仲見到啲鳳抓排骨好似好大份

發夢返學。我要拎運動衫、同埋拎運動鞋
搞呢搞路搞到下午了。
我同ymca 兩個同學算曳, 冇準時返學
我喺課室撞到Em姐, 佢係女班長, 我坐佢隔離個位
睇到前面個同學好快手咁做老師俾出黎既題, 我都唸住拿拿聲抄
我既另一個隔離位，有個啱啱返到既男同學坐落黎
佢比我遲返。但好似係男班長。
佢見我白手畫圖就俾把間尺我, 話要好好地畫
阿sir一路解題：個水箱既儲水量之類...隔離個男同學仲堅持住要我用透明間尺

我同Em姐傾計, 講啲參觀新村、自動化system既野
後面坐住Amy, 我唔想Amy知道我去向（我同em姐入埋同一間公司ks）
我暗示唔好俾Amy 知, 但em姐話佢一早同amy講晒

我因為下午唔知第幾堂先第一堂返學, 唸緊上午缺席係咪要補假紙
忽然想起：我應該係六月先返學。
我有唔使理會呢啲野既原因，就離開課室了
個刻覺得奇怪、我應該冇野做，就算我去邊讀書、傳返舊公司都唔係問題

原來個男班長係同女班長好熟，我離開時先睇到我坐咗喺佢兩個中間個位
但係佢地表面上無交談，兩個高材生都係冷淡高傲嗎？

我打算去圖書館還咗本書，（因為連功課都唔使做）
去到圖書館，原來借書要做好多登記
還好我只係還書。

夢中坐喺一艘運送棺木既船，感覺我位置係唔適當，因為艘船唔可以運人 船底有排骨窿，係比個船槳穿落去爬（唔會入水） 我控制住最前個支，有時幫手推動，但係我大部份時間係掌控個方向 船可以喺地上行，但支槳會耗損，最好都係搵返水道。我見到水道就滑返落去。 到咗地鐵站咁既地方，個棺材運運吓唔見咗，要搵返 好似大牛既男人，唔情願咁幫 喺我地唔喺香港呢段時間，有一間房唔俾入 其餘地方歡迎屋企人間中上黎睇吓 我去返灣仔「老師」度上瑜珈 佢有啲fans, 卡卡喺度等我玩完，我等住開始 我上friend chan屋企參觀，係shk另一個盤 係一間好中式設計既樓，中轉lobby擺住好古式既酸枝傢俬 仲每人有專屬自己既櫈 上到去環境十分擠迫，間房係Pantaya Rm 成個天花都係各式各樣既喉。外露住樓上既去水渠、仲有冷氣喉 為咗唔知隔乜、啲喉下面鋪左塊棉，間房超級亂、堆滿野。 有隻好似貓咁大隻既龍貓喺度走黎走去，我行過佢會企上我肩膀。

發夢好多羊仔係條路?度跑
有?羊個身體寫住羊字
所以我確定個Ｄ係羊
有隻羊一路行一路用個膝頭哥頂則邊?野
我都俾佢頂左一下

有2兄妹（約8歲、3歲）跌咗落海 我猶豫一下，潛落水去救佢地 一路向下潛，終於見到阿哥，我先將佢拉上去，回一啖氣後 我同阿哥一齊再潛落去。 潛咗三四次都唔見，能見度唔高（本來徙潛、水底開眼就係睇唔清） 隔離有人幫手，但佢冇用潛，明明水淺見底（水面能見度較好）佢地係水面望落去 見到人先潛落去救，最後都係救到阿哥救唔到細妹 同樣俾個海沖走既人，喺衣櫃度踢開度門出黎 我地逐個櫃搵，但係都搵唔到，我開始轉喺地面搵，將個希望轉移 但搵咗一輪又覺得唔合理。 我抱住個女嬰，係家慧個女，大約一個月大 但好似1歲咁（只係體型好細） 見到Brian ，佢問bb有冇食過紫葉粥，我話要四個月以上先食固體食物吧？ 然後家慧個爸爸抱走?個女，得返我同家慧喺度同Brian一家人傾計 傾冇幾句就分別。 我問家慧佢老公湊咗個女去邊？佢答：通常抱上佢辦公個診所洗耳仔 我答：咁好有得洗耳仔我又洗。（因為成日耳仔痕）但又怕洗開成日要洗 家慧望望我耳仔窿話：你耳仔好乾淨呀 如果要洗就拆開咗耳膜耳骨洗入面。我唸我唔會洗了。

發夢好多羊仔係條路度跑 有隻羊個身體寫住羊字 所以我確定個Ｄ係羊 有隻羊一路行一路用個膝頭哥頂則邊D野 我都俾佢頂左一下

一隊band入面, 有一個新鼓手。佢打既beat好令我澎湃, 令人跟住佢個節拍模仿。
隊Band係由一個師傅教導大家, 佢返黎召見個新鼓手。
因為佢既出現, 改變咗一個有問題既人

有段片睇到, 小青蛙交咗一個新朋友, 係一隻啡色蝸牛
啡色蝸牛幫小青蛙好多。
忽然之間, 啡色蝸牛唔見咗。
水底出現一舊好大舊黑色既腐爛神既身影, 青蛙仔覺得好似佢新朋友蝸牛
當小青蛙靠埋去時，佢俾腐爛神一手執起放喺手掌中, 話：你要承認你識得憑氣味認返真正個個朋友
從此之後小青蛙唔見咗佢蝸牛朋友。

大家一個一個咁喺度推測, 到底係邊個咁厲害可以培育出咁勁一個鼓手
喺排除咗幾個二打六之後,最後估係自己師傅
上一集, 自己隊既師傅仲洋洋得意咁著住中式女裝（一塊紅色絲綢布top咁包住自己個身）
唔知幾時開始之後就冇咗呢個奇異行為
估唔到佢隱藏咗咁強勁既能力。

之後到咗晚上, 公司同事, 喺度睇關於寶珊道既舊野
一班人好似喺一個露天涼亭, 喺度認啲植物...

一張畫入面,有一男一女 個男仔睇緊個女仔畫緊既畫, 男仔憑一幅幅畫作線索, 去搵個女仔 最後喺公園, 搵到一棵畫中既樹 搵到個女仔, 喺度斬緊一舊木 舊木破開, 入面鑲住一張鵰好咗既木馬仔,（好似一層層隔住既象牙球鵰刻咁） 個男仔上前相認, 相擁 有個管家拎住一大疊信俾個女仔, 係個男仔一路上寫俾個女仔既, 當中有一疊fax收到既尋人廣告 廣告上面，女仔被抹黑, 一疊圖片上係一啲個女仔既P圖, 話佢賣淫 一間有露天天棚既屋, 種住一牆既植物 我地幾個人採摘咗, 將啲植物當菜咁煮黎食 有2枱人, 好似係大姨媽個邊啲親人(一班唔熟又假既疏堂親戚) 之前我隨意喺其中一張枱既位置度, 放件衫同個袋, 唸住我拎開自己啲野俾佢地坐埋一齊 我問佢地係咪朋友, 其中一個笑我呢句問題，重複學我講一次。好似我呢個問題好可笑咁。 我覺得好討厭, 但又無奈要同佢地同枱食飯 在玩一個遊戲機, 個遊戲啲怪獸會好似真係進入間房咁。

海怡既10樓？
有奇怪人入咗屋, 軟既唔受, 要好惡咁鬧佢先走, 仲要報警, 但佢仲反而先我一步報警
我要打電話9.9.9報警，本應該要打三次9個9字，不過電話方便、緊急電話㩒一次九字就自動代撥9個9字，所以都係打三次9就報到警
我要打字將剛才事發經過用文字敍述, 我經已打咗幾十字想交住功課pick off咗個case先
（因為唔想俾佢先歪曲咗個事實）但係我被要求將事件由頭到尾detail咁寫晒出黎

夢入面仲有群姨佢地
姨丈唔知煮乜

喺隻大船度, 阿妹話要洗頭
我地喺船倉既尾既一層，地面有一個甲板，通落下面係海
我準備幫佢喺個窿洗，嗚低身咁洗個頭
點知佢成個人浸落去，洗個時仲沈埋落水下面
然後架船郁，差啲唔見咗佢，我用支水槍（本來開水要黎洗頭）撈返佢
嚇咗一大跳

夢 0
『夢中有個人, 拱一塊怪面埋我度
呢個人個頭會發出「嗚～」聲
然後面好似雪花電視咁跳、抽搐』
嚇N醒來立即爬入師傅張被入面
夢 1
再睡去, 夢中知道當時係9號, 並且一醒來是下午2點。返工絕對係遲大到(甚至係No show）
奇怪在電話冇響過，亦冇人搵過我。
因為本身9號係我例假, 因為去上溫習班而將個假期改咗。
好不好報病假？還是當我放例假？我在思考中...
夢 2
播著陳奕迅新歌（五個字xx的xx) 佢人就在我面前, 好似貓一樣同我頭掂住頭。
卡卡問係咪王菀之啲歌, 我望到陳奕迅個大頭後面電視機播住個Mv, 係王菀之填既詞。
忽然外面救生員好興奮咁打開我地屋隻門, 大叫：好大風
戶外有個鞋櫃唔知吹咗去邊
窗口望出去，個泳池面吹到橫風橫雨好似十號颱風咁
我趕緊去關窗，但係被啲風暴吸引住呆睇咗一陣
有好多野俾雨打濕，有啲因為啱喺隔離屋個帳篷底，就接晒水
其中一樣係bb床，不過床入面既bb冇濕，我喺度執一執啲位。
想拎個電話出去影底個橫風橫雨情況報返唔到工, 點知經已平靜落黎
仲有啲人開始出黎游水添。
性慾升起, 有個鏡頭以第一身拍攝
望一望個女性性器官（覺得加上視覺效果更理想）
然後有一隻大貓，好似山貓咁大隻
個女仔係咁講good girl
鏡頭影住個公仔有一個頻率，應該係個女仔喺度震緊。
我覺得點解要望住咁奇怪既公仔玩遊戲呢？
然後隻公仔轉咗第二款，我稍為研究咗一下到底係乜公仔
就好似簡陋既扭蛋出奇蛋公仔。個樣一啲都唔討喜...然後就夠鐘醒過來了

回想唔到夢中到過一個奇異風景既地方
愈清醒
個景象愈模糊...

有印象既係之後, 我身處玩具反斗城
有三個球類活動：攬球、足球、籃球
入得最多有獎。
明明我有幫手玩，2個人不斷刺激個掣
但都只喺限時入面得30分。覺得冇乜可能正常情況下可以玩到過百分。

有三幾個小朋友喺度等填顏色，有個大人落去counter度，想拎填色簿
結果個工作人員俾咗一大張長莫內地毯佢地合作油。

有問題出現咗，四個人（機械人）瞓咗喺地上
向住四個角咁，平躺喺度。
我用手，一路凌空抓出幾道幾道白色括度既痕，一路scan出問題既地方

我一個個咁scan, 第二個人scan到肚既位置有光
將佢放大睇, 係一個floor plan, 再放大睇係16B既廚房昇盤位
我覺得畫圖個人咁好心機, 喺昇盤畫個啤酒仔圖案。

我上過16B但唔記得個昇盤仲喺唔喺度, 因為方才只喺客廳冇入廚房。
所以唔知道係唔係間屋同個圖唔對, 所以出現問題。

由於有時間, 我重新掃多次第一個（因為掃到第二個時有效果、所以有信心繼續）
第一個scan唔到有發光既線路圖。
唔知係冇問題、還是2個機械人設計唔同
跟住掃第三個，但係第三個係女人，佢不斷扭扭捏捏唔想俾我掃，我唔記得之前scan個啲要除衫，但係第三個呢個就好唔想除衫...

仍然係細細個既阿妹, 喺度投訴老豆蝦佢
我好嬲, 老豆毫無悔意。
我威脅佢將所有野講晒出黎, 佢開頭驚咗一下
之後話我冇証據, 我話唔使証據佢都走唔甩。

喺岸邊, 好多人跌晒落海
我準備去救, 但撈得啲衫
啲人爬咗啲上岸, 入面有張續聰2公婆
人人都怕佢地好惡鬧人

我執野, 準備陪細阿妹
大阿妹執咗隻蘋果, 我忽然唸起, 去人屋企帶啲生果好啲
點知打開雪櫃敲破咗一隻雞蛋。
屋主見到好嬲, 破咗殼既雞蛋黃流咗落地
我準備要清潔, 間屋外面既海開始潮漲, 潮漲會令啲水湧入屋, 整濕個地
大漲時, 啲水高甚至會過地面成尺。
去水唔知work唔work, 度門頂得住潮漲既海水嗎？
同時, 我想清潔塊地都洗唔到, 除非幾個鐘後潮退先可以。

準備坐小船仔走, 船上好多石頭 (更似一塊放海擺設既層板)
我擔心坐住呢塊層板出去, 搖黎搖去啲石頭會跌爛, 所以準備放低

阿妹識人人都怕咗既惡人, 佢地有講有笑
聰聰話要火機, (唔知點著啲乜) 我襯佢拱個頭埋黎問時, 偷錫佢一啖
阿妹喺度派手信, 有我同卡卡同小梅同聰聰一班人一人一粒。

天空會變色
好想用手機影底但點都㩒唔到影相功能
想上一層
再上天台睇

一個綠色環境
一塊葉上面有...一個生存爆破
個一個空間好似一個泡泡波
入面有唔會影像變來變去

夢中我身處喺監獄
有人問我咁好人點解坐監, 我冇講原因。
某一次, 我向其中一個人講咗坐監既原因：係誤殺
結果好似被人誇大咗, 我唔係咩好人, 亦唔係咩傳奇。
為此, 有人搵個相衰衰既人, 去填補咗傳聞入面個人, 等啲人冇咁多空間去歪曲得太厲害

喺日本, 仲有2.5鐘頭登機, 考量著要唔要去個商場既鋪頭, 買個我好想要個個龍貓背囊
我沖咗入間鋪, 一手拎咗個背囊但係得紅色。
我不斷用手指扣圈圈個方法, 去決定好唔好叫人拎個藍色俾我

海邊好清好清既海水, 之後忽然有一群魚
好大條既黑色魚, 部份魚進食時會有金色既光包住。

忽然要晚上9點training, 我急急忙忙整準備
有個新人, 問食唔食啲野
本來我唔食, 但成班人去咗iw度玩, 而佢屋企有野食, 變咗都要食啲。
我一邊應酬, 一邊準備9點啲野...但電腦load唔到server上面啲training material
只係好似電視機咁, 不斷播好舊既電腦出黎。

喺一條通道, 有啲好似壞人既人
我要扮路過，但係又要跟蹤個女仔。
唔知係咪俾佢發覺咗, 佢返轉頭跟住我
後來有個女仔個頭有嗶嗶聲, 我偷偷地遠離佢, 因為我覺得係爆炸前既警示
我無目的亂走, 有啲細馬騮仔好似想帶我路。
上到去一間大屋, 有隻老虎喺度
老豆都喺度, 似乎有啲有問題既木板, 佢準備要賣出去

要做野做到好夜, 返唔到屋企 (可能冇晒車坐)
醒來時, 發現自己喺唔知咩人屋企
電話響卡卡打黎, 當時已早上9:30...我對現況一啲都掌握唔到, 到底係咪要返工呢？

喺Alan sir度，4-5人喺間房（當中有卡卡）
佢話燒啲野（草藥）會有奇異效果，我地全部瞓底，然後佢就點咗一轉
開頭係有一陣暈，然後佢播出一段音樂，個人好似飲醉酒咁飄飄然
但好快就聽唔到段音樂，個人都好似醒咗
我喺度唸係段草藥、音樂、還是2樣加埋呢？
見到alan仲喺狀態入面，仲不時面容扭曲
後來大家都返返黎正常，我想話試多次，佢就話因爲有「唔適合聞到呢隻興奮劑」既人返黎
所以冇得繼續。我話我「睇」唔到啲乜，淨係有啲感覺，佢就話佢得到好多野

喺一個商場，百貨公司入面，同經理研究棉納同旗袍
之後一條路通往一間酒店，研究人地啲地毯
有一條好厚既羊毛地毯，層次剪到一層層（一層一吋、有2-3層）好係我地計劃訂個張咁
之後有試咖啡活動，一人派一隻杯試飲。
我拎最後、隻杯最大，但大杯細杯都係得一啖。
咖啡好深色同傑，底吓仲有渣，味道唔香，亦冇咖啡味。
成班同事圍埋喺個度，準備試第二款。
我走咗去睇人畫畫，返到黎啲咖啡派晒咗。
地毯隔離有隻雀仔形狀既擺設、忽然會好似漏氣既氣球咁、然後漲返變成條魚，隔一陣條魚又漏氣、再漲返變返雀仔
我忽然知道個擺設既設定係咁：係一舊會變黎變去既羊毛擺設。「咁變黎變去入面啲羊毛咪會打晒結」我咁唸。
之後返去咖啡個邊，經已分晒一輪。
我行埋水吧枱想睇吓可唔可以自己倒杯飲，發覺呢杯咖啡，要加啲好似棉花糖同唔知乜奶既飲品
我唸緊要就咁試佢啖咖啡、還是要試佢調出黎既飲品...然後就醒來了。

夢中既我搭緊lift, 有啲小朋友喺到推推撞撞.
出lift後, 我見有後面跑上前既小朋友拎住張100蚊紙好熟口面
3個好曳既小朋友, 打開我個袋偷咗入面既錢, 仲想偷塞啲藥入黎話我運毒。
我捉住最後個細路, 話要報警
有個路人經過, 我請佢做証。
佢拎咗支針筒黎睇, 我話要冇掂過先可以証明自己清白, 叫佢唔好掂
個細路係咁爭扎、結果走甩咗。
因為我打緊電話報警正在報位置, 當時位置無從得知, 所以好耐都未報到
我問個路人可唔可以追個細路、或者睇吓佢走去邊。
一個小朋友活動範圍唔會太大, 之後我地去到個小朋友媽咪度, 佢媽咪都因為個細路咁曳而傷惱根。
我地跟入屋之後, 入面有個女人, 對同我同行個男人好有興趣 (願意幫我做証既路人)
覺得佢好大隻。

喺一個綜藝節目入面, 要玩一啲過關遊戲
其中一個場景係, 喺日本一間米鋪做任務。
我地玩時玩、有啲人好似蝗蟲咁周圍睇人地啲野, 連冇開放俾我地睇既野都去睇
其中一個人 睇到人地數簿, 仲問可唔可以俾佢買一本返去留念。
店主又嬲又無奈，成個人坐喺一疊數簿上面, 話：賣俾你係咪要每人都賣一本?
然後大家都大笑，我話呢個笑話唔好笑。
只有我一個感覺到店主嬲嗎？我好奇。

我出咗去一個有斜台既位喺度等
經理雖然著平底鞋，但條路都好跣。
等咗一段時間就出去，好似外國車站既環境，外面落雪，我冇著返鞋
騎喺卡卡背上，佢背住我行
我好高高，腳又唔凍、雖然遍地雪但係我唔凍，又好開心。
去到海邊，要落船，喺岸邊要過一隻接駁小船仔上船
有隻小船隨住潮水時近時遠，因為有條繩綁住。
卡卡背起我，仲要好似玩遊戲咁，襯小船靠到最近時，一吓跳落去。
船仔時近、時遠、時近、時遠...好幾次都未有信心跳落水
我想要唔要落地, 然後佢, 叫人將條繩拉緊等船仔唔使盪來盪去。

完

順天既公屋, 老豆有人搬走咗啲野
我睇返, 個個搬開咗啲野之後有個位吉咗。
本來表面係一幅牆, 其實係有張白色既紙, 好似曾經用膠水痴住既痕跡
實入面有另一個空間, 間屋大咗。我咁唸

好似要阿妹同老豆講啲乜, 但係佢冇講
阿妹喺一個地方, 對某啲野講咗, 就好似對佢講咗咁。

喺官塘區咁款既環境坐巴士，要去一個地方, 但係坐極都去唔啱。
喺一個山上（類似秀茂坪既地方）食飯
本先我隨便一間餐廳食個五六十蚊既飯, 喺落單時見到有個98蚊既好似打邊爐既海鮮鍋
我打量咗一下改變主意食個鍋
個鍋上到黎, 同頭先睇圖既份量唔同, 根本冇海鮮
正思考追究時、要出動離開了。

我用緊一個舊式電話, 有個男仔拎住一個好大既飛行器 (一塊大過渠蓋小小既黑色板)
要另加一個女仔，三個人企上去
我地三個有啲勉強, 後來塊板變成蛋型, 一個匿喺入面, 我同個男仔一左一右咁企尚算企到。
我要努力抓住蛋上面其中一個窿。
見到天空日落, 好靚好靚

我地去到一個地方降落, 撞啱有班恐懼分子挾持住酒樓一大班人質
我地寡不敵眾，我仲擔心俾佢地發現唔係平民會對付我地。（因為我地帶住頭盔）
我有男匪徒見到我、一手抓甩我手上穿住既一條幼索帶, 我掩飾係讀科學既男朋友送俾我既
我都唔知有咩用（其實係應該一啲特別功能）
咁講既目的，半扮無知半恐嚇佢唔好亂搞, 個匪徒將佢還返俾我。
之後班匪徒安排人質可以分2班輪住被囚禁, 理由係匪徒都需要食煙, 佢地明白人質都要食煙
我同一批人質出咗去食煙之時（忽然大家都係著住中學條校裙）
我覺得班匪徒唔係想傷人，亦冇咩恐怖既目的
佢地只係想將一班人困住一段時間，令到有人關注佢地。
所以佢冇對付步隊既我地。
只要過一段時間, 大家都會平安無事咁還原了。

1. 小林俾一段同一個我唔識既男仔既親密短片我地睇
我本來就唔係好認得佢老公
亦一段時間冇update佢既故事
所以唔知佢係同返佢老公一齊, 還是新男朋友
原來係新角。

2. 我話拍得幾靚既雙人相, 邊個幫佢地影既呢? 小林答係男朋友
既係男朋友、同時同新男朋友一齊
又知道佢有老公...