Thousand Year

有間古宅, 早前有個細路喺個度跳樓
剛剛目睹有個細佬, 都喺同一層跌咗落街
其實佢地一班細路成日都喺個個位爬出爬入玩
結果, 成家人、成村人都追捕一個巫女

忽然地震, 我想叫全部人走出海灘, 空曠既地方
但係塊地忽然爛咗, 走咗出海灘啲人跌晒落海。
大家走返上水, 我個電話可能入咗水, 於是熄咗機先。
我去返陸地既商場, 見到個防水袋想買, 但係好貴
喺整電話既鋪頭, 好貴咁整返個電話, 打咗個電話俾媽咪, 佢話佢冇事。

喺一度有吸食大麻既地方, 我冇吸, 但係一入去就感覺到同平時既煙唔同
好似有啲升起咗又降落返既感覺。
有人問我有冇旋轉, 我話我只係好緩慢同平衡咁上昇下降已
佢話之後要喺呢個狀態交配, 達到某一啲目的
但我擔心懷孕, 亦唔想因此不忠。

夢中我喺浴堂入面, 同卡卡互相搵黎搵去
後來有大人物來, 人人都趕走, 但係被選中留底既人包括我
有人講大人物壞話, 大人物唔知有冇聽到
為咗轉移佢注意力, 有人話我識Jacky, 大人物好似發狂咁追住我

忽然斷片, 每次斷片就會喺某一個位醒返
但我唔記得自己過程係點去個度
覺得自己係咪有病, 想話俾卡卡知

三姐弟要出門, 家姐跌咗個五蚊銀喺個批緊既石屎入面
佢叫喺個堆野入面盪緊底既阿妹幫佢執。
但係一轉個頭家姐都搵唔返喺邊個位
個窿好大, 下面係好深既柱石
好似火山爆發形成既, 不過啲柱好幼。
人唔踩得上去, 重量會破壞到啲好幼既石柱。
出門口搞到遲到, 都仲未揀到衫
只係執好用黎氹啲細路仔啲貼紙落袋

夢裡面我喺Pag睇同事啲年花佈置。
個隔局好似龍門酒家, 地下大堂吊住好大件既雕塑擺設
有客坐喺隔離俾意見, 話藍色透明個圓形玉掛飾好透明, 我見未搞掂就上樓上睇睇個個掛飾。
上層都當然係未搞掂, 我再上上層，點知多咗個會所 (好似連接咗另一個大廈bwp)
我影咗張相（其實都唔知係咪我要理既範圍）就走了

從上面走遇到個舊客, 佢帶我去咗另一個世界
個個世界好濃好濃既霧, 濃到差啲連隔離個人都睇唔到
我緊靠住佢前進, 天空雲層出現咗一個窿, 個個窿見到遠方有一個星球, 有時個窿見到兩個星球
忽然我覺得, 呢個地方只係投射/虛構既世界。

喺一個好似sir滑梯既通道, 同一班人/同動物一齊向下sir
期間一隻狗仔同隔離隻動物講野, 我竟然聽得明！
之後其他動物講既野都聽得明白, 到咗地有spicy girl既歌, 我跟住口嗡嗡唱
有人出去跳舞叫我一齊
我話我淨係識Er...really really want...個首
最後跳淨一個女仔跳得到

黃子華㨂督笑入面、有我啲相
一路睇一路睇
同卡卡因為一個朋友而鬧交, 佢由得人帶走個女, 我好嬲好悔氣咁由得佢
佢覺得我咁睇人地, 忽然間覺得...係我既就係我
其實原諒只需要一下子, 所有結都唔存在

一次回來, 走廊的燈關上, 我開唔到第二扇門
奇怪我得2支鎖匙, 點解會有3扇門？
隔離屋原來頂住咗第二扇門，可能係換緊衫，可能係執緊野
後來我地啲門口等咗一下。
入到來見到隔離屋打通咗地下，佢地成個房變得好深
房住咗4-5個女仔，我驚訝佢地點出入? 咪要爬梯上落
忽然又變得好深既空間得返個4x4' 左右既窿，好似只係用黎存放物品咁

夢 0
同座頭角色互換，要打水記電話但係打唔到
夢 1
一個家庭table for six 咁食飯
一對父母，中間一個大家姐，對面3個細佬女
小朋友飛髮，大人進餐
大人條餐巾銀灰色，小朋友飛髪條圍布亦同樣係銀灰色
大家姐抹口紅，對面二家姐亦抹口紅
係一間屋道
夢 2
係一個課室，一班啱啱玩完狼人遊戲既同學，狼捉唔到輸咗
今次似乎大家都想kill咗佢
但我唸咁咪會正中個遊戲既陷阱，社會就是想人民不理智
情緒既群體更容易掌握操控

遊戲未開始經已有人出術，叫我拎定一個唔係狼人既標示（係一個入面冇人型公仔既煎堆）
拎得遲、或者冇人提佢要執好籤既...可能就會遭殃。
上一局既狼叫我同佢一齊走堂，佢覺得呢啲遊戲太幼稚
我係咪要放棄呢個「學校」呢？

我跟咗出去，匿咗喺佢平時成日打躉既韓國妹房間
呢度有秘道離開學校，出咗去得我一個，我打電話俾佢
佢講咗啲九唔搭八既說話，但我明白佢包含某啲指示
我喺一個路邊既隔音屏風後面準備前進，都有人似乎同樣行個條路
我唔想同佢地一齊。所以佢地行入面（一條殘舊既木板橋下面係河）我行出面（一個個碎裂斷開既圓膠筒）
我喺圓筒碎片上，有眼睛喺窿度偷睇，有幾次個筒都彈到好高
反反覆覆地、我到咗前方
我拎到一隻被曼藤吊起既雞...

電視機有新功能、可以伸手入去觸摸到個個空間既人
我摸到入面做緊西遊記既佛
不過有時都有啲阻礙
電視機會變返正常電視機, 一摸落去係個平面

阿儀結婚, 我去祝賀佢
我要裝啲索帶索住個胸, 再著恤衫
但係換衫時好多人出出入入, 都冇一個私穩既位置。
沒有好好地影到相
後來我想起佢係andy朋友, 可能因為咁我出席了日頭
為了避開遇到佢

『在星巴克買咖啡
十分生氣的情緒、所有野做錯晒的環境、仲喺度鬧人』

『老豆用較剪隊死咗我』

明明是2月與老豆發生不愉快的溝通, 點解早在一月就會夢到這般情景？

夢入面...我收樓後，好多人隨便入來睇樓。
啲人話：經紀講野都好細聲。
會所爆多人，我問佢地知唔知wifi
PY四哥同肥偉黎咗
24F屋企變咗示範單位

見到一個小指單腳外星人
之後見到同款，但大小小既一隻腳外星人（手掌咁大）
然後有個好似人咁大...
當佢好似人咁大時...漸漸變得似人類
但係更遲鈍（只能夠學到外表似）

喺間好簡陋既屋入面，左匿右匿咁生活
我想幫佢..

夢中我身處皇后街天橋底
因為間屋唔知要整乜, 所以我要喺個度瞓一晚
喺一個露宿位, 有我熟口熟面既毛巾被。
係咪我將舊個套捐咗俾露宿者？點解我隨便寄宿喺度？露宿者唔會返黎？
雖然有一連串問題，但我都喺個個位瞓咗一晚。
第二朝起身，遇到一個露宿者。佢好似顛佬咁傻傻地左盪右盪
我好怕佢但佢走埋黎，嚇到我走唔切。
突然之間，我愈走視力變得愈差，最後得返一米既能見度
令到我逃走/行動得好困難，亦唔清楚到底走唔走到。

同媽咪喺間屋，企窗口度望風景
間屋大約喺七樓既高度，啱啱對面係後巷，隔離座樓六七層高
即係我既窗口，剛好望隔離屋到屋頂。睇到有啲中式簷頂既裝飾
垂直望落去，後巷有人圍咗個地方。一個水池，水入面有幾隻狗仔喺度瘋狂嬉戲，有好似內地旅遊團去選購咁款
屋既另一邊窗，景觀較開揚，係山上有座廟既隔局。
媽咪問平時冇人喺屋、對面樓啲人會唔會望到屋入面廁所？
我話屋冇人唔開燈，外面乜都望唔到。

忽然想起我好似約咗專成請半日假既魚腩
佢話佢喺尖沙咀過緊黎，我地應該準備去離島。
我準備出去，仲唸要唔要喺碼頭食野，但點知我好眼瞓好眼瞓
一醒來經已6點。
我聽返魚腩電話留言，聽唔明佢話「維繫唔到」啲乜，既係同我既朋友關係、還是佢同其他人呢？
回佢電話時，佢話自己喺北角。我問佢仲要唔要出黎食個飯、佢既回應好似好模棱兩可...我又係聽唔明
最後我還是忽略咗佢。

公司同事去酒樓食中午飯
四個人叫左四個餸
上菜時原來每款送都係四人份, 搞到一張枱放唔晒啲餸
有啲一碟得一兩舊既, 我建議上菜阿姐將佢地倒擺埋一碟就好
點知個阿姐愈倒愈乾脆, 一好多野都倒埋一碟, 仲疊都好高
之後仲一個經理出嚟話, 不如入廚房加野將佢炒埋一碟
結果廚房用雞撈翅, 將啲餸燉埋一齊。唔知會因此收幾錢
之後上個雞、文仔話上錯咗, 佢叫既係口水雞。可能我地趕時間件事不了了之...
因為咁, 啲餐整咗好耐, 兩點都未上齊。
最後仲有碟魚, 係係煎鮫魚個啲cheap野
我地又話: 都冇叫呢味...
同枱食野個清潔, 因爲要趕住返工, 第一時間夾走咗一舊魚打包走
我經理好嬲話: 人人都未食, 佢點可以打包走
個清潔經理話: 咁你哋好似都唔食, 反正係Cheap野
經理話佢一個唔食, 唔代表成班同事唔識的。佢唔代表其他人, 亦冇人可以代表其他人。
咁樣做好冇禮貌

離開食飯既地方
喺好似內地, 廣州,沙河既地方
同我一齊既同事係Kimmy, 我驚訝佢都同我一齊上咗廣州
我應該搵路返個親戚度
上咗巴士, 我唔確定邊個站落, 見到沿途風景好似開始認得就落車

落咗車, 我地喺一間路邊小鋪, 見到對面有個奇怪既女人,
我撞一撞kimmy叫佢望吓個邊。
鋪頭個男人開始撩我講野, 由個個奇怪女人.. 到講東講西。
我地準備走時, 個男人纏住我想要我電話號碼, 我話加微信就好了。
我追返kimmy喺褸袋搵返我電話出黎, 準備開個QR code..
點知整咗好耐, 喺個app搵黎搵去都搵唔到自己個qr code
(夢中好似啲電子產品都唔聽使, 永遠打唔到、搵唔到想要既function)

喺一間建築物：大約2層高，簡陋到得樑同柱。牆身只係石屎，前方係冇牆既開放式空間
經理，同一個新新地既工程部同事傾密計
但呢個officer唔Under呢個經理既，點解佢要同佢傾密計呢？
翁太上咗黎我地office（明明唔俾得人知我地office位置）
佢叫我幫佢查管理費, 我心唸唔係佢個仔自己交返咩？
後來佢度來度去，坐喺經理個位。我快手同佢查好就同佢離開，離開時見到經理就坐咗喺接待處個位避佢，走個時佢地冇打招呼冇客套
我探聽翁太點解會知道呢度，佢話隨便逛知道
我送完佢走，同經理傾呢件事，擔心地叫個保安主管問新黎個個係咪講咗唔應該講既野？

有一個細路女, 上咗蝙蝠俠既車（駕駛者喺左邊，小女孩坐右邊）
佢以熟稔既手法關車門同扣安全帶（安全帶係打橫從右上肩拉落左下扣好，右手臂仲要扣多一圈）
我跟隨佢地, 去一個地方。其間, 蝙蝠俠一路搵一條捷徑
架車上到天橋, 一度打橫咁切線。
喺一座建築物上有一幅牆, 想要用幅牆做路
我曾經經歷過呢幅牆上行車, 但係唔成功（Deja Vu）
今次似乎成功咗. 我在想係咪我想成功既想法, 大過唔會成功既力量呢？
所以, 人係可以改變。

夢中...喺回家路上
同Lisa喺電話度傾計, 我地好似喺度討論人生
我返上屋企要經過平台
之前我為咗電話唔斷線, 就喺下面街巿兜圈返上去, 唔坐lift

喺停車場見到有架車打開咗個車尾箱
成地都係鋪開晒啲立雜野
係andy執緊唔知準備搬去邊

唔記得發夢同卡卡喺一個咩地方做乜野

之後同希文計劃同bubi去燒野食, 或者去一啲狗狗去得既地方
Oscar喺埋一齊聽, 後來又計劃去沙灘
我話: 但係我冇帶泳衣呀

夢返學考試, 學校係St AnT
我冇校服, 要臨時買現成的。
但係得校裙, 冇𧘹, 冇腰帶

夢到小朋友同阿麻一齊, 要炒午餐肉飯返學
開罐午餐肉好似咖哩薯仔

喺間茶記食飯, 等食飯之時整緊啲野
隔離坐咗班地盤工人
原來坐正隔離個個係林杮
拍埋張台一齊食

同卡卡喺一個露天遊樂場, 遊樂場有五百幾一個套餐
唔知可以玩其中2個項目：遊戲燈塔+畫自畫象
卡卡問有冇興趣, 我想再研究個餐單
但係個場地好暗, 張紙牌印喺深藍色底紙度睇得好唔清楚
愈係睇, 愈睇唔到, 後來睇唔到原來好似俾人收咗

隔啲有個簡陋既空間
有個女人話可以喺入面玩日本瑜珈, 然後兩個女人喺度傾瑜珈啲野
講到另一個黎玩瑜珈既人, 有玩其他瑜珈
我唔知道日本有一套瑜珈, 我以為瑜珈係印度來的
所以我靜靜在聽
後來喺隔離有一大一小猩猩, 喺度走黎走去

我入一個室內, 入面有其他活動, 類似某啲討論會
一間一間房咁一群群人進行。
我同小林喺好似樓上cafe隔局既地方傾計

忽然間, 瞓喺張床上面既床喺度震
我喺度唸係張床震定係我震, 原來係我個人震
我由得個震加大、想推大啲
但係稍為分心就消退咗。

我上咗一個議員既車
由於好眼訓, 就喺架七人車既後坐鋪晒被瞓覺
架車停喺金鐘政府合署冇開車，後來謝偉俊上車坐喺最後，之後又有三兩個人準備上車
我唔好意思瞓就收返埋啲被, 謝生話唔緊要我繼續
我唔知點解我會同呢啲人一齊, 我話俾人見到唔係幾好, 就冇瞓了。

早晨便便出血, 才想起夢中掉牙齒

還掉得很多, 夢中牙肉腫了
牙齒都碎了、縮小了

以為再冇經濟壓力
就唔會再夢到牙齒既缺失

係我誤會了牙齒既問題
還是我仍然有壓力？

夢入面, 頭頂好多培若得長出來
用梳去梳佢都梳唔走

我喺一間賣衣服既鋪頭
個店員拎副啤派出黎唔知同個客人玩乜（可能係賭錢）
事頭一返黎, 佢地就做返正常睇衫
我話有件衫想試, 但係事頭婆話下次入黎就立即試
唔鐘意hea一輪之後先唸

阿be黎搵我, 我叫佢等一陣
我試完衫同佢食野

一個火車站（唔只一次夢到類似既車站）
喺入面要坐車去某一地方
夢中有啲走黎走去既活動

夢中既我, 演出一個舞台劇、同其餘兩個人被吊到好高好高好高（約30層樓高）
然後轉體翻身落地, 身體好似馬戲團啲空中飛人咁
一路轉住落、好似一個月亮（full moon）咁
落到黎大家散會之後, 原來每人有2件記念T恤
我拎埋阿妹個2件俾佢
喺外面一個好似用餐既地方
我見到阿妹執野俾佢（要翻晒袋入面啲野整理一吓）有人想插手

之後一班人去club玩
可能要有女伴先可以體面咁入去
我地陸陸續續入去，淨返2個男仔，其中一個問阿妹去唔去
阿妹拒絕咗
我同阿妹唔知整一輪咩之後，我問佢之後係咪冇野做
冇野做就一齊入去食飯，佢就一齊入去咗

入面，我地識既十個八個朋友喺一個角落，大家零零散散咁自由坐
有個女仔問我呢度燈光係咪好暗？我話唔算暗
然後佢俾我睇佢隻眼有事（一隻眼球向外咗）。
有班富二代笑我，著住卡卡對白色拖鞋，原來另外有班人著晒西裝好似去ball咁
我覺得白色拖鞋淋淋地幾好著

有個唔識的女仔追住我黎錫
然後有個大會攝影師喺度影我地
我唸個畫面應該會幾靚
就配合同個女仔走前走後咁，伸長條頸好似蜻蜓點水式咁錫

當中曾經有個「透明」啲既人，好似係俾阿妹拒絕既人，喺呢段時間有出現過
但佢太怕羞、或者太隱藏...以致我想唔起佢做過乜

後來有個高大啲既人喺我身邊唔知approach啲乜，後來佢原來要排住一條隊上台
轉個頭我見佢啪斷咗支士碌架棒，好似預留作自衛用
之後連棒球棒都啪得斷，我唔知佢要提防啲乜

同阿妹去學習，車上沿途有雀鳥：烏鴉、鷹、鶴之類
佢地好似會揀人
我地只要一路行過去，乜都唔使做

無端端有隻人咁大既雀，喺我身後吟吟沈沈
喺到有一句冇一句講人話
我唔知其他人聽唔聽到，我知道反正佢就係揀咗我

阿ming喺度表演（公司Party表演嘉賓）完畢後大家喺度收拾
有個好似黑人咁既男仔想我留低，但我立即同全部人講我聽朝就要走
個櫃忽然間冧咗落黎，啲書同雜物責住我
其實唔嚴重，但係啲人好似好緊張咁跑埋黎、然後安置我喺張床度
仲話要抖一個星期