Thousand Year

夢中喺海怡半島想要上30樓，原來部lift上唔到
中層有空中花園（club）
上咗去之後好多人入lift，要落返地下
轉返隔離部lift，我覺得部lift行得好慢
仲要因為要搭雙倍時間上落
想部lift快啲, 又怕失控

拎住袋...寫毛筆字既野
係人地唔要俾我既
覺得可以練字幾好

夢中跟進大廈「漏水」case, 在地面出現漏水情況, 有消息指是頂樓引致
雖然有人知道原因, 但未曾解決

我到頂樓既單位，想入去睇, 覺得睇到就會知道
入咗個間屋，秘書俾我地入去睇
我睇到窗外，窗頂既詹蓬位好濕, 見到個冷氣條去水喉就咁搭喺度引致

沒有適當地將冷氣機水引走

左邊膀頭有兩粒野「長出黎」/「痴住」
我抆一粒出黎...愈抆愈長...我知道又係個啲蟲仔
抆咗大約1米長...怕抆斷...一路好嘔心咁抆

之後另一粒，我想話俾oscar知
但我走黎走去唔見佢, 我自己又抆
呢條更長...抆咗一大卷...仲好熱既...

有人進入一間屋參觀
我的屋很細（好似媽咪黃大仙咁上下）
也沒有很好的佈置
有2夫婦來看, 後來在寄住

但是因為屋主與父母有磨擦
父母表示: 唔志在佢地寄住而多收個六千蚊, 要趕晒全部人走
區區個萬二
我局外旁觀咁唸, 唔係你少萬二梗係講得口嚮

潛水

90'年代學校背景, 同幾個同學練習徒手潛水。我地落好幾十米深既池底，第一轉唔夠氣到底
第二轉，有架消防車跌咗落水，一路沈一路沈
我想追佢下沈速度，一路落，一路計算住返上黎用雙倍既氣。
但係今次可以喺水中偷偷透氣，我執返車仔之後上返水，所以完全冇問題

練完呢轉大家上水，我暫時披返件T恤上返學校
有個好似西蘭花既野，身上戴住好多裝備
我唔明徒手潛水點解可以咁多裝備
我都想著隻蛙鞋，咁就可以加速水底既活動能力
喺有限既呼吸入面，去得更遠

考試

我地一班人之後返返去泳池，本來喺庭園度去返泳池，要兜個圈
同學想喺冇人見到既時候走捷徑
佢檢查捷徑上，有冇反人地行走既裝置
忽然有個西人，叫我地幫佢執返佢囡囡一個飄走咗既氣球
我同另一個同學執完，返入一個操場，（場景轉咗）準備應付一個中文考試
但係考試前，老師安排咗一啲唱歌跳舞比賽
好90'年代既歌，有一班入面一個留班既男仔識我，認為係宜家啲學生唔會知道既舊歌
我笑佢講出黎，會俾人知佢留咗好多年班
但後尾察覺到我都識，其實外人睇我同個個男仔可能一樣
不過我同佢唔一樣，我係再入校院，而唔係留咗好多年班，所以唔介意
比賽一班跳完再一班，啲舞步都差唔多、都係隻手义黎义去既舊舞姿
我唸起kisskiss個啲韓風舞蹈，對於佢地黎講應該會好新鮮
另一班女仔，打側企開一排，跳緊一啲好似「別問我是誰」既舞
啲動作係好似手語咁表達緊首歌既歌詞
中間有個好似周慧雯既女仔記得最好，人人都開始唔記得點做，但佢仲做得好好。
呢班表演完咗，老師仲要繼續播歌
我忍唔住大叫：老師就黎考試可唔可以唔好聽歌了
老師唔知反駁：溫書乜冇溫埋「記性」？大家話：有不過記性得一個鐘，宜家得返半個鐘
老師見到我，佢知道我做物管，問我搵到棘線既判頭咪？
個工作工程部處理緊，所以我話搵到了（我記得佢之前就有關佢自己住個度，有啲呢啲防盜棘線問題）
佢問咁佢上次問20米圍牆個問題點，我根本冇接觸過個判頭所以都冇問過
我答佢再幫佢問，但又唔係好記得個問題係乜
同學見我地傾計就拿拿聲收枱收櫈去了

夢中, 我喺舊公司會所幫手裝部gym 機，部gym機好多功能，又會噴火（製暖）又會噴水
因為會整到個地濕晒，我想閂咗呢啲功能，同埋雖然個火唔會燒到人，但邊個知有冇危險？

研究緊之時，個主席返黎見到我。我唔鐘意佢，但又避唔開，唯有硬住頭皮聽佢講野
佢話佢今晚要入去開會，俾人（我地公司）迫佢簽份咩文件，佢實在好唔想簽
我有啲同情佢。
之後忽然天花頂有條大鐵喉裂咗冧落黎，敲到佢個頭
我要報警但係個電話打黎打去打唔到999三個字。
我請路人幫我打，之後有人搬佢，我叫啲人唔好郁佢
原來有車要出，所以將阻礙物搬離路口。
點知啲人將佢愈搬愈遠，我話搬走咗，咪唔知事發係點
我講得激到大聲講，主席起身學我講野吧聲「哇哇哇」咁笑我
我唔覺得好笑，我話：你又話唔想簽，咁你快啲返去繼續瞓底啦！
佢就好緊張咁跑返去個個位。（用跑的）

夢中喺一個建築物入面揸車

要幫alan辦網上美國簽証, 準備約佢喺間餐廳
有人聽到我講電話, 問係咪要西多士
介紹咗我去一間鋪
我叫咗一個海南雞飯
有白飯同埋一碗雞油黃飯

在叮叮車上, 有四大天王
我想同隔離個個人講見到希文, 原來個個係蘇永康
笑到我標眼水及「笑醒」

在小船上將要到達塔門
腦中閃出了grass island呢個名
有船家反覆講: 塔門上面冇島
我唸：塔門本身就係一個島, 上面又點會有島呢

喺一個鐵絲網圍欄外上岸, 阿妹一野上咗岸仲捐咗入去
到我時隻船同岸既距離好大
我拎住個手提電腦怕會跌落水, 我遞過去叫阿妹幫我拎咗先
佢喺鐵絲網啲窿度伸手拎, 然後要翻過個網喺頂頭拎入去
隻船都覺得距離飄得太遠, 再泊埋啲
阿妹再幫我接個公仔娃娃, 抆住佢頭髮翻上個鐵絲網頂入去
我唸...人點隔住個網入去呢？

夢中，一幢公屋既建築物入面，水掣房入面有三個大塘環
有個屋企差遣小朋友出黎開大個水掣
小朋友扭其中一個，但係扭得太盡係咁射水，我叫停佢
公屋一翼既盡頭係掘頭路，如果我要返出去，就要穿過人地既屋
有個男人喺度講緊andy老豆既欠債，我在計算著幫佢解決

一間細個住既屋（九樓）響起警號：紗廠火燭
我地隔岸觀火，我覺得要「做啲野」
就計劃帶頭敲碎自己玻璃窗既玻璃（一種必要既犧牲、保命既犧牲）
之後我唔明白，火災時唔係應該分隔開各個區域
唔好俾個情狀蔓延的嗎？
點解要敲爛啲窗？

同個男人講數時，佢見到我心口攬住icc工作人員個牌
佢在盤算著可以透過我呢個關係做到咩世界
我話與其喺咁嚴謹保安既地方落手
得手既又唔係咩可以變賣得好值錢既野（只係一啲金融機構既電腦）
不如做土炮既海味鋪好過

本來呢夜啲我約咗小林食宵夜，但我俾呢個人纏住
我要取消咗小林個邊。
我跟住呢班人去搵食糖水既地方，個度明明好似濟州咁古舊，但又好似置身於中環
佢地走黎走去都搵唔到食糖水既地方，都係靠我憑記憶去返一間去過既糖水鋪
我叫一個腸粉。
個男人問我要唔要去佢屋企沖涼瞓覺，我覺得佢對我有非份之想
仲想拖我既手，我同佢講佢誤會咗，我有卡卡

喺屋入面，我倒瀉咗包藥
跌咗4粒出黎
所以我一次過食晒

夢裡, 同妹+焚、媽咪、我同卡卡，將姨丈安排咗係一個燒住煤爐既地方
我打開隻窗。
屋內既人話間屋平時係吉既，所以燒住煤係防潮
阿妹話濕度咁低仲要防潮

去一間餐廳計劃食野
一本講狐狸既漫畫+兒童圖書
差啲想掉棄，原來係儲返來

喺餐廳見到二號，但冇人表態就走咗
過咗下午茶時間，再返去食晚飯

媽咪叫卡卡幫姨丈沖涼
阿妹同阿焚去點住菜先
姨丈沖完回光反照

有人話，如果個細路想見老豆
就擔張櫈仔埋黎...

瑜珈老師喺鬼王屋企
我同卡卡講呢個就係星期一拉根堂瑜珈

鬼王顧住睇住個細仔
忽略咗個大仔

喺大埔之類既新界地區, 好似學校又好似新project既地方
有地渠
我喺底, 本來一浮上黎就可以上返地面
但係落成後, 個位封咗
要原位出返去, 先可以上返地面
我唔知道, 本來唔夠氣但我呃自己換咗氣, 然後就出到黎

學校忽然召集, 但係到咗時間, 一個人都冇
負責召集既人準備要俾校長話
我地要研究個裝置
一個人用完要點控制, 先可以另一個人用
要做個鎖

一班人喺度玩碰碰車, 成個場幾層樓咁駕駛
有砌logo既地方, 後來喺街上
有個阿哥好瘋狂咁戴上扭波波既頭飾
好似嘉年華咁十分誇張
我將紅酒好似香繽咁周圍灑
紅酒係82年個類名貴既酒, 有人撒嬌點解我可以咁奢侈
我細細聲同阿哥講: 啲酒既貼紙我喺淘寶買1.5一張, 奢侈其實係呃人

夢裡, 海邊既水位開始潮漲
水湧一路入路、大廈...我著媽咪避去高既地方(一座樓既六七樓)
我同佢講: 如果見到水漲埋黎, 就逃上天台
我返落地面去超巿買水同食物, 準備就算被困幾日都唔怕

去返一個似曾相識既商場
喺架lift度撞到美國隊長去做gym
入面有一大班人夾band
啲器材好似一個個睡袋沙包、又好似兒童遊樂場啲防撞欄咁
鮮豔既顏色令人覺得好可愛

有2班人對rap、我喺一堆堆野中間
無聊研究到自己倒立

老豆過問我公司人事, 原來佢上咗山頂做, 但我唔知道

關於請人，有個同事介紹一個新人來，好像幾忠心

同阿妹喺一間屋，阿妹想匿埋講電話
但係間屋冇得點匿，保障佢既私穩
我思考要唔要避出去。

三朿小花，好似怕羞草咁
本來係菊花嘅樣，掂一掂佢，會合埋變咗捕蚊草

我督完之後，隻手麻庳咗
然後右手手指公同食指、長出咗一啲毛毛
跟住好似開始有條蟲係一邊谷出嚟咁
我好用力咁，比佢有咁長谷咁長谷晒出嚟

條蟲伸到兩三米
本來係蚯蚓後黎變咗蜈蚣
我忽然明白咗，原來蜈蚣係咁樣變成嘅
但係點解呢個世界上會有啲好細細條嘅蜈蚣呢？

條蜈蚣甩咗我手之後，我一腳踩爆佢個頭
雖然好驚，但應該解決咗

有個小朋友揸住一架好靚嘅白色小朋友渣嘅小車
係一個唔知室內定室外嘅地方兜嚟兜去
我哋一班人圍住追住黎影相拍片
架車真係好靚

好似玩綜藝節目咁，我同四五個人係一組
要喺個地圖度，思考番頭先行過嘅路
每一個路段都分成ABC啲二F知j K L M
我地喺一個關卡....(忘記了)

喺條街度...俾人捉咗去個地方禁錮

日常食物飲品

夢中在一個海邊, 著住衫褲鞋襪企落去
水, 到失頭哥位, 溫度係暖既
有一男一女一邊帶住我地行, 一邊介紹個度咸淡水交界既環境
我見到右邊既大海, 有個流水沖入左邊既內陸
介紹既人話呢度好奇特, 係河水沖淡到個海洋, 引致暖水效應
我覺得咁大個海, 可以受河流影響真係好勁
但我問個人水溫升高會唔會係有地熱咋？
個男人同個女人講：連外人都睇得出個問題, 佢地都開始質疑自己

我應該住喺一個離島，由碼頭行返入去，起咗一個窄既簡陋通道
中間約十步就有一隻接門，可以出返去
我話：幾好落雨都唔怕
後來班人走了，我送佢地上船

夢中，我喺度跟緊工程（工作其中之一）
然後，去咗跟日本城送貨

Lunch喺一個街巿（類似彩虹個啲）
好似去咗商場（類似樂富、石硤尾個啲）
一路都未解決到餐晏
到咗2:10pm, 仲未返寫字樓
應該去bank唔使咁趕, 但未帶票應該要返上office
Lisa回來香港了, 話佢戎咗煙
雖然我地約了晚上食飯, 但都喺lunch見咗面先
佢28號返黎，仲咁急住要還錢俾公司

一班大人小朋友喺度學跳舞, 步法好簡單
阿be一學上手, 我想佢教我

夢中, 沙灘邊有一班DB既舊人

喺監獄入面, 無意碰到列隊既男囚犯既運送列
我好似被故意嚇到, 而碰到其中一件運送既野。
然後好似骨牌效咁, 致前方有倒塌, 並整傷咗一個人既頭包綁住頭
我感到好內疚, 喺個個地方亦唔知可以點做。
我個邊女子監獄入面, 有犯喺度偷裝鏡
去睇啲madam體驗。

夢裡, 喺一條塞緊車既公路
有人要偷隔離架車上面既野, 我要代揸住架車緩慢前進
點知有警察經過
我揸住個架車不斷打轉, 就俾阿sir發現咗

有個男仔話佢住貝沙灣, 準備娶個女仔
後來唔記得咗咩原因, 個女仔要避一個人

返到屋企
媽咪一路瞓覺

忽然
廚房有隻貓咪bb
有自來貓來生咗b
Bb爬上牆, 由床尾個窗口逃走