Thousand Year

大家都在聽完一個故事之後、畫出一幅畫.
變成「圖畫」既 out put...別人是雀仔，我是死神...在一幅黑漆漆的牆上...
我既圖畫一畫完, 就俾人收起咗，連自己都唔被准許望多一眼。

我身處山上既屋、外面係海
喺窗邊，外面有個頭好大既神浮在窗外, 與我對望
然後穿入我體內、帶來一個訊息：人是要學習「死亡」
然後我變得像亡魂煙一樣到處飄著
我在卡卡面前、佢好似睇唔到我
我叫佢、佢好不容易睇到我
佢形容我：發出綠色光、好驚咁企喺度

三四個朋友在玩
玩大話骰
但我嫌玩呢個飲得太慢
想建議一人一支飲咗先玩
後來2個人對玩到4個人玩
我一開有好多個六...一個骰中入面唔只六粒骰...
然後又用間尺、鉛筆等等代替骰仔玩
但唔識玩

返學唔知返邊間報到
未有校服
利瑪竇同瑪利諾
仲有時間錯

我決定去返上次手機search地址報到個間
唔去媽媽叫去個間

發夢揀屋揀到黃埔嘅區
區外有個海灣, 有好多好多好多奇怪石頭, 其中有一層層千層蛋糕切開個款石頭
但去到實物原來好細舊, 好似碼頭邊個啲木樁咁
我地坐住小船遊覽, 沿岸仲有其他有奇怪石頭既位置
忽然船喺水底行, 睇到「培養」石頭既過程. 好似以前科學館睇小雞孵化過程咁
啲石頭有啲係一個環、一個環咁好似水晶咁鍊成
然後有啲女人好似扮魚尾人喺水度唱歌, 我驚訝水入面都可以傳到清楚既歌聲
我仲驚訝佢地受訓到一口氣可以閉咁耐, 水底唱歌

完咗個石頭旅程, 搭車去睇屋
喺街上, 從樓下望上去、啲屋好舊（好似過百年）同埋好大（好似過千尺）個露台好大
我地坐嗰架車轉左上去、望到啲屋入邊空框框
再望、隔離座建築物全部都係落地玻璃
我唸住宅唔應該咁開揚、落地玻璃入面好似有一張張戲院咁既櫈排晒, 所以懷疑佢係學校或者會議廳
再過一座樓, 好似學校、消防學校
學樓入面, 有一副5-8層樓高既垂直牆、我同卡卡沿住幅牆一路滑落
左邊都有三兩個人、滑落咗之後喺地面忽然消失、好似穿牆咁穿過咗地面
我因為唔確定，所以放慢咗下滑速度。
原來地下好似坑渠咁闊位置、係一層軟棉棉既黑色海棉
大家都係穿過個層海棉、然後潛過水底，入幅牆另一邊。

我喺入面俾人某班人（某madam) 排擠, 但又有某madam撐我。
有野令我遲到、雖然有人比我遲。

公司電腦被用, 開住晒咸網
唔記得同阿姐嘈乜大交, 要遞信走
阿妹教用毛巾, 整彎個office既電, 大家緩衝吓
我總算有藉口辭職
夜更員工問題跟唔跟，我唔俾意見了

去到韓國, 入酒店check in,
穿過一個商場, 啲通道好窄得一個人身位
然後闖咗入個準備落閘既區域, 見到家豪沖出黎
我叫咗佢一聲, 佢咮我
我唔知佢幾時去咗韓國發展

Alan賣手錶$120一隻
衣服$10一件
我和Lisa 都在揀

泳池Locker搵唔返, 兜來兜去
泳池更衣室內有賣野既地方, 有袋、泳鏡等等

旅行住既地方, 見到隔離房有個阿婆爬入去

一班人去上堂, 係一個教人結識朋友既course
我同一班差婆一齊, 但同我一齊黎個班人亂坐, 我冇位坐
所以我去後面搵位
有啲細路女（廿零歲）我仲抱住oscar仔公仔
見到winnie坐喺前方
會場變得愈黎愈多人
我見到前一排有個中學同學, 佢明明結咗婚點解仲需要
原來係想教學生

同阿妹係一個領事館, 我哋要過關, 但係過唔到
後來佢俾返啲Passbook我哋, 阿妹個袋打開就拎得
我留低左個電話, 等佢哋消毒完之後攞返

一班人喺度合照我幫佢哋影
但係人太大班影唔晒

去一個地方影相, 有好多道具同背景
有啲背景係幅牆上邊好多天空同雲, 幅牆下面有個窿可以捐出嚟
有班人喺嗰度捐出來、手上拎住一舊雲
咁樣影啲相就可以好似坐係天空咁
有個人拎住一對情侶嘅相(好大幅)
佢張張相個一男一女剪開一半之後, 將自己個頭攝係中間

我睇返電話啲相
原來臨走嘅時候，係最後一個空間，影嘅幾張平平無奇嘅相
一掃出嚟係可以有影片嘅效果
其實動畫影片，係由好多張固定嘅圖片組成

忽然請假去完呢度, 返到高俊樓下，大家都散band了
在想咩時間呢？仲可唔可以返工呢？咁就唔使請假
睇吓個時間好似11點幾，忽然又變下午4點幾
我於是要為今日放假想個藉口。

高俊間便利店變咗超巿
我推住手推車入去，唸住買啲野食返屋企

同大風一班朋友, 離開酒樓潘太金豪
條樓梯好斜, 喺小林前面頂住佢。
大家到樓下林杮未想散, 問人去唔去飲野
我猶疑...天黑了...

有消防車機械人
外牆個簷蓬不斷爛（俾人侵蝕）
我地喺簷蓬底好驚恐, 但唔明白點解唔走, 淨係企喺度驚, 最後都係走咗

去到學校/校舍地方, 我去洗手間，不過搵唔到一格格既廁所喺邊
我入到去有一間私隱度冇咁高既廁所
我覺得出面排隊等去廁所既人都望住我
我好慢咁除褲...好慢咁坐底....但係疴好耐都唔出
我想快啲完事, 忽然望下面，冇馬桶既，只係一張凌空既櫈
我望到自己相腳之間有一條男性器具
我驚咗一下，研究到底呢舊野係下面上黎入我身體，還是我由身體出黎
我見個龜頭向下，所以應該係我既野
我唔知點解會咁, 我明白點解啲人咁望住我。有人話好想疴尿就會生多一個器官出黎
我的確係想疴尿, 但唔算一個好強烈既慾望
我唔知點處置, 就著一條鬆身褲將佢收起

一個小朋友, 被一男一女帶住三兩個小朋友既人帶走
我以為個一個小朋友係屬於佢地
我走時喺巴士上, 個個小朋友仲好馴良咁同我揮手再見。
後來，透過同個女人對答之中，知道個兩個大人係壞人, 個個細路唔係佢既
佢跟本唔識個小朋友, 於是我立刻落車（車都未停就跳落車）唸個大人帶住個小朋友應該唔會走得好遠
果然我喺軍營見返佢地（我喺軍營出來的）
佢地犯咗事俾人拉入去, 個啲大人以為, 佢教個小朋友犯咗事困咗入軍營, 就可以咁樣阻止我救返個小朋友出黎

發夢地面好危險, 身處喺一條條隧道入面
有啲壞人喺度作惡。
雖然喺出邊都好唔安全, 我地有啲人返上地面嘅通道
通道口開始落閘, 我要喺啲閘落到地下之前衝出去

有啲正方形嘅籠（5x5尺）好似摩天輪咁上下大細同速度
一隻一隻咁吊上天
為咗逃避地面嘅危險，我同另一個女仔一人一格咁偷偷上咗去
雖然吊到好高好似好危險, 可能有搖來搖去嘅危險、但唔會跌落街
但係佢一卡扣住一卡應該好安全

不過一吊就好似48小時先落返地面, 忽然間擔心冇得去洗手間
但都冇理咁多了
後來啲格格升到某一高樓大廈旁邊, 襯著呢個機會、我地決定喺度跳返落卡

喺一個好似商場既平台，我地喺格格入面執返啲野落黎
個女仔個格入面有好多立雜野,
唔知點解個女仔喺呢個咁「臨時及短暫」既地方，會放置咁多私人物品

一個8-10M高既籠/網入面、有一大堆非洲小朋友
隔離都有一連住好似睇波既觀眾席既高位、但其他人都冇籠，係得呢班小朋友好似困係波波池籠入面咁。
佢哋個個都污糟邋遢、好似冇人理咁
但係我冇理會、照同佢哋玩
我跳起好高、由上到下隻手掃個網
入邊啲小朋友個個都想伸手來摸我嘅手
好似隔住個籠嘅貓咁。
我想派糖比佢哋食、轉身之後諗起，剛才已經派晒比佢哋。

一條木橋、20尺闊x10尺遠（或是一個木臺）
連接兩邊既木既通道...中間地面既木爛晒（打橫裂開一行）唔能夠再行。
係可以勉強行到、但好似隨時會冧。
我會選擇喺最邊有扶手既位置行過去, 因為旁邊啲木好似冇咁爛。
有個女性探完監後送餐回來我個邊（係外邊）
佢行個條路，係直接喺橋行過黎, 睇真啲原來佢行裂縫下面啲繩。
開頭似為佢捧住盤野食、點知只係一個包裹, 我話包裹拋過黎咪得
洗咩咁珍而重之用雙手捧住、仲要行咁危險嘅路。

總統（或者一對重要人物）夫妻, 有3個小朋友
總統夫人邀請我去佢地屋企, 我在門口等，同管家你眼望我眼咗一陣
有其他訪客上嚟（沒有被邀請）管家就隨便帶佢哋入去耍佢地
入到去有另外嘅細路仔4個
開頭我以為全部都係總統嘅、但後來佢哋講：嗰三個細路仔唔係總統嘅、呢4個先至係。
之後又要掩人耳目、講呢個同嗰個係夫妻。

喺一個地方（學校？屋苑？）
我頭好暈、全身冇力。有3個救護員黎。
當佢地到咗時、我成個人冇晒力咁灘咗喺度。
佢地要帶我走、但處處有阻礙。有人襯我冇力就胸襲我, 我用力反抗返
之後既一啲時間、我有機會追究。
喺屋入面，有人唔俾我走, 其實我有能力用好敏捷身手喺牆身、同好窄既位跑
救護員後尾臨上車，三個將我打橫抬住出去
我唔明白點解唔俾個啲床推我

另一間屋、廳喺下面...有幾級樓梯上一個細既廚房區
有個太太喺廚房洗野
個先生喺廳唔知講乜，類似話佢有咩唔好
太太喺度埋怨, 佢地互相埋怨。

有個人喺度執念於一個消失既傳奇人物
一心要學佢臨消失前既「三個巧合」
佢費盡心思將三個巧合重現:
1) (忘記咗係咩)
2）5-6個小黃波，跌落在一個好大既格仔網既特定位置
3）一堆由生果變成既波仔跌落
開頭個個都覺得呢個執念, 就好似大魔王咁可怕
呢啲其他人勸佢學人咁...努力表現自己工作出色就好, 唔使執著於呢三個巧合

但到咗最後，似乎佢既行為向人証明咗一樣野
當人人都喺度衡常咁做野時
總要有人默默耕耘居安思危

好似喺秀茂坪既屋企
媽媽都喺度

大風晚上有飯局
但係到10點我仲未出門口
有啲奇怪自己係咪應約？還是點解會約咁夜。
搵黎搵去都揀唔到自己想要既衫

喺地鐵車廂
我約咗隊長
到咗尖沙咀
Mtr行人路上有小路軌
行人坐喺櫈（好似馬鞍一舊流線型紅色既膠）上面

可以由一個出口滑到另一邊出口唔使行
中途穿梭於行人之間
速度流暢，啲人又會避開

仲未見隊長
於是想打俾佢
見到佢同佢女朋友喺天橋樓梯行上黎
我唸：可能佢忽然間要約女朋友所以要放飛機我
但係佢女朋友同佢並肩而行，佢哋見到我之後佢女朋友就行咗去。
隊長話佢只係想望一望我
另一個同事都一齊
我同佢哋講我玩左個張櫈三次
佢哋話，呢一個新服務劣評如潮
我又覺得唔係咁差
似乎社會嘅人習慣咗批評。

外面天災水浸、我著住高踭鞋
拎住一對著住一對
準備換唔要個對、橫過一個水漲會浸沒條路既位
但係水量太多、我對鞋被水沖走咗
我變成赤腳、情況壞到赤腳都要跑
跑到水漲會浸沒條路隔離既商場（建築物）
不過呢個建築物並唔能夠抵擋2次巨浪
所以向入走之餘仲要關好門
否則水會浸出黎

之前記得/覺得記得、要去一個碼頭邊既club audit參觀
有其他ks同事、同事埋冇車接送，反而喺正隔離既村就有車接送。
我地喺碼頭邊等船
有一個與海洋有關既場景
細節唔係太記得
由海面到凌空升起既畫面
有藍色光頂底移動貫穿個人同海面

醒後，喺研究室，有人做研究
忽然覺得可能要喺背脊/面抽取細胞
先可以提煉到心目中既野。

一個醒來忘記既夢，後來一絲絲片段浮現返...

IW話口渴
櫃入面好多食物
但冇飲品
後來佢地出去食飯
我唸佢會出去飲了。

有一盒豆豆
買咗放低咗冇食
想搵返出黎食埋佢
原來有3包
但發覺林林地了

一架車
喺一個就黎爛既沿崖邊（是一個險境？）

一個聚會, 一班db同事, 但我唔識既
會場中我係單獨的。
後來有一個保安公司何太, 算係互相認識既人, 我準備靠近去傾吓計
途中有幾個似識非識既人, 又似係以前識既舊人

後來...我忘記咗點解我要離開, 所有人都停低晒望住我, 我不安地叫大家唔好注意落我度
我執埋啲野準備走,
走到大堂, 有個鄰居（剛才似識非識既人其中一個）, 跟咗出黎好似送別我
我問你要食口煙嗎, 但佢著住短袖, 而外面落住雪
佢為何不可既態度, 我地出咗去
我要結婚了，另一個跟出黎既女仔見到我眼角有滴眼淚滴咗出黎
外面落住雪, 建築物蓋上一片白色, 好似聖誕

在飲一枝紅酒, 唔同氧化程度有唔同層次
第2-3層次放低咗忘記去品
第4層次有一種好濃郁既憂鬱

用「跌」來檢查夢, 山坡側邊, 有條長鐵梯, 有人敏捷出入, 仲跳黎跳去
我手握得好緊唔敢放手
準備放手握住的電話、扶住上
雖然我扶得好實、直頭抓住個梯底, 但條鐵梯唔穩, 成條向後反
我唸：將佢唸成夢, 一跌就可以跌出體外, 雖然有個個「感覺」
不過出唔到
開頭仍然有小小跌既恐懼感覺
仍然唔算夢醒
但係有兩三吓特別既感覺
最後...冇飛到，亦冇出體

轉咗另一個夢境。學校：自由交往日, 扭希文同我交往
希文話交換身份証, 當時我只係落個樓、所以我冇帶。
有個小女孩冇著衫, 抱住個仲連住臍帶既bb走出黎, 叫人幫佢抱住, 我過去接手
叫人幫手俾包巾我抱住個bb, 仲問臍帶係咪要用線幫佢打個結先
然後個女仔走圍走, 我問佢係咪打算餵人奶, 如果係就要襯早食上第一啖

個仔電話成日接廣告
我教佢唔用時關機
生氣咁早就滋擾人
紅過見到andy一班人4-5一早開工

一間店, 有rew蠟燭
類似巫術功藝品

成日撞跌飲品
路過間鋪頭
都凌空跳起落地個吓整跌人杯凍檸茶
伙記話整過
但原來個杯係硬硬既display飲品
只係路過所以走了

峰同佢爸爸一路取笑我
我好唔開心
話有個路人夠跌咗野你做乜唔笑佢
然後佢話個間野食喺青衣算好食
我話我都冇食過
峰峰爸爸就話約我聽日黎下午茶

同笨笨熙熙去日本
七仔食野

到別人的會所裡
是參觀（？）
有好大既沖涼地方
各間隔將是落地玻璃
可以看到入面有咩設施

離開時，喺渺無人煙既山路搵巴士返去
搵到可以返去既巴士號碼
不過係只供落客
上車站要繼續行

身處在的士
鞋中有沙石
要鄧返出黎
打開車尾門鄧車出面
點知放咗隻鞋落地吓就跌咗
車開走愈開愈遠
我期望過喺後面架車同樣都係認識既人
會幫我執返
但我想提出要求時都太遲了
我在想由得佢吧
買過好閒
最多一陣返去得返一隻鞋
但想到著住一隻鞋
十分奇怪
就想返轉頭執
我盡量認住啲建築物
好讓記得跌咗喺邊

一大班中學同學
在長櫈排排坐
好像在禮堂
在觀摩一堆石頭
其中一舊表面係沙岩
但係透光後，看到入面是透明晶石
外面一層薄薄的網狀偽裝岩石面
呢個聚會有利樂倫、陳幽等等沒有來往的中學同學
我還問佢地要唔喺許雅媛回港聚會時一齊來