Thousand Year

一班人青年旅舍進行活動
其他人原來只係住喺大樓
我地就公器私用地享受小屋
我上次因為太貴冇住
同人分享時講，自己曾經住對面向住呢個旅舍既酒店，係千幾蚊
但有人向我沾沾自喜地講呢間小屋要三千

喺新公司、唔知有乜做
我應該問人有乜做、還是自己睇舊野搵野做？
坐既位，張枱好吉，有好多玻璃瓶擺設（無謂野）仲有魚缸（扁形魚缸）
我坐坐吓轉咗位
忽然檢查職員儀容
我本來手指甲有退咗色既透明甲油
唔記得幾時俾人油咗黃色上去
算係不及格
明天吃公司飯時要抹咗佢
第二日，我因為順從住公司要求
投入地將派發給每個人既膠花貼掛喺個袋度
被提意委任稍後做獻花既人
新老闆好似我認識既
仲稍熟
但我冇表露。

是迪士尼令新舊記憶重疊咗？
夢到大個咗小小既細路來找我
但是態度就如哥哥般冷漠
如果咁對我，佢向個邊世界更好交代
我也不強求要晚上同佢瞓埋一齊
不過聽到佢瞓得唔好，覺得有啲心痛
後來，我地大約掌握到個相處距離。

想去廁所
對面簡陋既一層高屋仔後面應該有

眼尾見到有架車沖出黎
有團黃色光
我望過去時只淨返見到車尾
我目光追隨住架車
然後將自己拉過去
跳咗落車頂時（由私家車變咗貨車）
我想打開車尾個貨櫃門睇吓入面係乜
不過開住既車有啲難度
但唸吓
其實我唔使從常規途徑丫
我就想自己「透」入去咪得囉
冇印象入面係乜
好似約定咗某年某地再集合。
有人問唔識既去睇唔睇到
我覺得冇所謂
要見到自然會去到

喺一個食野既地方 ,分享某啲YouTube片
有人要求分享生命之花mv
點知係唔知咩台語既呂奇版mv

麥當勞換玩具：馬達加斯加動物
本來冇乜想要、又覺得買來多餘
但基於「宜家唔買遲啲冇了」既原因
就排隊買了
一面排、一面思考買邊隻
想要既鮑魚擦兔仔已換晒，仲有獅子...定係要電線箭豬？

排到我時、我想仔細參考櫃台上既display
見到仲有啲另一款既小黃人公仔
我問要買咩餐先可以換？
個麥當勞姐姐話：呢個玩具係for一個家庭換2隻
我問可唔可以只換一隻
麥當勞姐姐重覆上面個句
我話即係冇限食咩餐啦？（求其食一個蘋果批都得）
佢話你唔跟規矩可能會俾人拉
我叫佢拎獅子同箭豬俾我睇吓
因為我未決定
但個麥當勞姐姐好似拎黎拎去都拎唔到

亂馬三姐妹
二姐、祭典隊伍中唱歌
有個小朋友（最細既細妹？）
都好想參與，想摸姐姐騎住既馬
但係大人唔俾，叫佢匿返埋。
佢爬上唔俾摸既馬、原來馬上方有個天花生口，佢係聽話匿返埋
上面有個空間，係一個好矮既閣仔（大約200尺）
有人話收信用手、收學校信用腳
喺閣仔只能爬行，我在想點用腳收信。
我環繞住閣仔爬、見到有三兩個世叔伯坐喺度傾計
聽到段音樂話好似東京愛的故事既感覺
有個叔叔就話呢首咪東京愛的故事主題曲囉
呢個人隻腳踭好似發出橙色光
我想望多眼
點知佢遞埋我面前、突如奇來既眼前揮動嚇到我一跳

夢中有火車、馬車，列成一行逃難
我搵我既行理、由前面搵到後面
一卡一卡咁扣住（馬車同火車，由一個皮扣扣住）
後來先知，冇人幫我打點，行理遺漏咗喺大屋
場景見到大屋淨返一男一女
個男既人本來係留守既人
佢向女既示意會走一趟送返行理上來

我在一個大型屋苑
平台位置既簷蓬出邊沖涼
平台有泳池、簷蓬隔離就係游泳池
遠遠地有個看更睇住，可能係防止啲人未經許可進入泳池
我為免被發現，伸個手入泳池，撥啲水沖一沖身，就拿拿聲走人
好似唔應該喺個度沖涼咁樣。
離開簷蓬，要凌空跳過一個樓梯頂
我沒有困難地跳咗過去
繼續注意住冇俾看更發現地、離開個個地方

返到屋企
隔離屋新搬來一家好嘈既人
我叫佢地靜啲。
開頭佢地第一吓有啲覺得愕然
之後，佢地夾硬過黎串門子
為此我感到煩厭
但又制止唔到

一行五個人去坐巴士（單層巴士）
第一個人入錢，俾晒咗五個人既錢
三個人上咗車、我同明明哥哥（第四個同第五個）怱怱忙忙見到車，先衝過馬路。
雖然巴士司機俾先前三個人上車，但對於我同哥哥後來衝過來既兩個人，就好似視而不見咁
我捉住巴士前門外既扶手，勉強拉住車門，同司機理論。
我話：我地係同第一個上車既人係一齊既，佢都應該要俾我地上車，我地唔係架車開出咗先衝上黎，我地喺車頭過馬路黎上車的，佢冇理由無視我地...一連串原因。
其時架巴士經已開出咗，司機接受我既原因，下一個站俾返我地上車
哥哥上唔切車，都拉唔到車邊，喺車頭拉住塊玻璃，好危險咁等下一個站
雖然司機喺啲落斜位都好小心轉彎好慢，但係喺車頭既哥哥都仍然好危險。

喺一個包場餐廳, 我負責幫人影相做記錄
但人太多, 我地條team唔係主角, 我得唔到有利位置
我發現雖然剛才影唔到時候, 有啲相影得幾好。好似喺一個高位影落黎, 好似航拍機既角度
其實, 開始時有部好似自動吸塵機既野痴喺天花板我冇特別去留意
呢刻, 我懷疑部相機同呢部吸塵機有聯繫

之後, 巴檯有人拎一個稍巨型笨重既遙控制(成個公文喼咁大)
係可以遙控部機移動
遙控制有2個, 一個係好似遙控車既杆, 缺點係控制喺來馬力太強, 部機會橫沖直撞
另一個好似lego砌出黎咁, 稍為用到念力就可以操控部機
但係個缺點就係, 支控制杆好容易成日甩, 不過控制得smooth好多。
部機上到天花板會痴住天花、落牆身痴牆、落到地好似變形金剛咁會變成車。

會場有三四個女仔, 疑似在表演性高潮。
一個女仔開頭著住銀色貼身衫，好似泳衣, 喺度典典下自摸，話一陣有好野睇。
我喺度專心整緊上面部機冇好留意, 後來一大塊白色布蓋住佢, 有另兩個人喺布入面做一啲野
外面有人注視, 但都有人冇理, 呢個只係當日活動入面既過場餘興節目表演
我整個部機, 最後俾人投訴, 要拆落黎冇得用。

當時側睡，身處一團光（眼前有股黃白光）、同唔識形容既感覺之中，好像背脊有震動
我沒有去試圖郁個身體，因為怕呢個情況會醒咗
我想嘗試向側滾、向後飛
但都離唔開到
呢個情況持續咗一段時間
而我好清醒並記錄好清楚
有個十二三歲既小女孩係我個女
佢捐喺我身前要痴埋一齊瞓
佢驚一啲野
佢不斷背我個電話號碼
我仲更正佢後四個號碼係6441（佢背咗6341）
佢有一種好似即將要失去我既感覺
佢怕我別離
稍為後一段既時間
我在唸佢係我邊個女
但係當一刻我就覺得佢係我孩子
出體訊號因爲呢個女而退下咗
雖然係咁我好努力記住呢個光
同一啲不知明感覺

在熙熙屋企等熙熙返來
熙熙爸爸媽媽在屋企自由活動
沒有太在意我們在。
我想去洗手間
我媽媽在洗手間出來
話小便盤可能好耐冇用、沖出來的水都污濁的
（樣子好像洗地拖的清潔盤）
我在想，家居一般都簡化咗大小便都用埋同一個馬桶了，所以個個專為小便而置既便盤冇用，都好正常。用埋同一個就好。

一班人在逛街
可能在廣州
有班拍戲的人
有個人叫「就哥」
然後就哥俾我笑

灣仔忽然淪陷
有人暴動好似佔中咁

在建築物內, 我同中學同學有個聚會。
佢地當中有兩個不和既, 但都同埋一齊好似冇事咁
我地圍住張麻雀台
我話我七點要落去約咗人, 其他四個圍住張台瞓覺
我話, 你地四個打住先（樺嘩、阿萍、小林、大風）。然後又真係起身玩。

我落到樓, 看見很多女人拖著行理, 準備返大陸
貌似一個左派人士既親屬, 返大陸有護蔭。
我冇擔心自己, 因為我與沖突冇關
不過, 我落樓時, 忘記咗帶電話落去
如果咁多人, 返上去拎返個電話, 怕耽誤咗
但係冇電話喺身, 又怕未必約到
好在我好似記得阿妹電話

然後就沒有了...

水晶要個蓮花火syn
但個蓮花火, 出唔到紫色
我『願』佢係紫色, 於是火旺起黎, 變成咗紫色

個火仲變成火車仔, 我願佢開過黎, 又願佢返返去
個紫色既火, 兜過黎枱底又兜返去。

但當我集中力弱咗時, 佢就變返普通既紅色火

有孩子吃了有「藥」的紫菜

我叫其中一個小孩子, 將啲紫菜回收
佢唔明白點解要回收。
另外有2個孩子很抗奮, 可能唔同人對同一款藥有唔同反應, 佢地對紫菜反應較大
忽然兩個就咁跳窗跳咗落街
窗外望出去雖然只有3-4層樓高, 但係有一個就欄腰斷開2節
呢個時候個小朋友先發現個危險性。

一人在進早餐buffet， 原因係夜晚貝殼buffet人數不足取消，而補返既。
早餐buffet只有2-3款點心、腸粉、冷熱粉麵, 我冇乜興趣
但有窩夫機、多士機、雪糕桶機...各式甜品+麵包, 就有興趣起來。
隔離仲有彩虹糖之類, 但係冇彩虹碎碎

一條萬聖誕通道
阿妹好驚, 我攬住佢、遮住佢眼, 衝晒過去
有一隻跟到出黎（應該完咗啲鬼會留返喺隧道/鬼屋入面）
呢隻野細細粒, 想跟我地走
雖然佢比其他鬼細粒, 但站喺要偷帶佢走, 係太大隻
我地唔知點帶佢走

喺某人既屋企(一個似秀茂坪曉麗、又似油塘高翔既地方)
唔只一次成日遇到同一班老人家。
喺我地今早食自助餐既地方，還有最近其他地方
佢地都認得我地。

大家由一座天橋，坐升降機落地正。
升降機太細人太多，所以要分兩架入，
我地行先, 然後約喺屋企樓下既商場逛住等。

商場有：棷子粟米食
我咬住等
卡卡黎到，佢都咬咗幾啖

買了一套餐具
幾適合小朋友（有剪力，有小刀，仲有開樽蓋，甚至罐頭）

（前面一段車場既夢是想不起）
喺個工廠/商廈, 我走黎走去
喺廁所門口聽到啲事, 我想匿埋唔好俾個個人見到
但都係俾個個人睇到。
我扮聽唔到/聽唔明佢講乜。

有客申請居屋, 有人派小冊子俾佢
交俾大堂既我轉交

網站睇到有part time工
$300一日，想轉俾熙熙睇

有一班洗浴池既男人
其中兩個喺度傾計, 講手錶既牌子

鄭伊健同梁詠琪
各自在家睇住天文望遠鏡有以下對話：
伊：香港睇唔到星，日本宜家匯率平
梁：咁飛過去睇啦
伊（好開心表白成功）
梁：我地得3000蚊，你坐飛機去我坐船去

佢地睇既星, 其實係隕石跌落地球既災難
我同卡卡喺街邊酒吧, 睇住電視
本來酒吧出面有台客, 一走咗, 卡卡去拮人地台面啲配菜食

隕石撞落地球之後, 有一大班天神, 去到個個浴池沖涼
(之前啲男人洗個個浴池)好似千與千尋既現代版
有唔同浴池俾佢地過水，沖涼之類

一班人在傳閱一個保鮮袋, 內裡有宇宙糖同我既結婚戒指...
點知唔見咗, 唔知俾人傳咗去邊
後來搵返傳走咗既袋, 裡面只淨返3支宇宙糖
見其他人櫃桶有粒我做捕夢網既珠仔, 珠仔都係在保鮮袋內, 係「屬於我既野」
我推斷佢地傳閱期間, 不問自取分咗我啲野

睇緊舊既jump漫畫、因為睇到後面有色故事, 唔好意思睇落去

喺個地方沖涼, 沖完就沿條街咁行返落去
但為咗要著返衫, 好辛苦咁向返上行
沿途又令個身體污穢返。
有賣魚蛋車仔、個賣糖水既$3x蚊支、垃圾車倒垃圾、條街好混亂
終於上返頂,拎返自己既衫。

阿妹返工地方既餐廳被老闆非禮
一問之下原來好多人都俾佢非禮過

佢話檢討過，仲打電話俾過每個客、受害者了解過，
個結果同我地所講既一樣。
我懷疑佢敷衍我地
唔同人進行既調查有乜可能「一樣」
我話咁是但抽查三個、睇吓係咪一樣
佢搞咗好耐先打通俾第一個
但對方接咗電話之後收線。
我地迫佢要解釋、但個佢一路匿埋
直至我打電話報警
佢先若無其事咁出黎
爭論咗一陣、好大班警察黎咗
相信係因為佢地意會到個嚴重性，更加令人確定佢係慣犯。

我同阿sir講叫佢地叫下午茶，有傳媒喺度，有個阿sir話唔怕，佢地係正當食野。
我打算喺佢地等野食時，將來龍去脈對佢地講一次....
點知佢地下午茶未到，我夢就醒了

一個地方
媽媽唔返黎
喊醒咗
去果住晒一大班機械人既地方
呃小朋友（小木偶）去一汆都鐘樓
打算困佢一世

發夢Lisa回來了。
我們買的漢堡包, 因為買中了某款芝士而中獎
獎品係Osim按摩櫈
Lisa話ok喎（係指通知中獎個男仔ok）
一大班人開p，有胡師傅
我同lisa講，返黎咪幾開心。

上星期五夢中卡卡對我嫌三嫌四
（有關件恤衫）
好嬲，卡卡問N係咪有婚前恐懼症：

夢中與卡卡之間唔記得爭執啲乜
（好似係...fitting都開咗個件新恤衫去）
覺得之前相處都好地地, 不如唔好結婚了

另一個夢，返學
有個由小學識起既同學利樂倫, 夢中同我繼續係同學
有人快遞啲野來, 原來佢生日，佢老公唔知送啲乜過來
我記起佢係人馬座, 同卡卡一樣。

夢中身處佐敦
記得粥鋪樓上係一個細個時交既男朋友既屋企
唸住望上去
見到樓上面既窗邊, 一男一女痴纏緊
唔係幾好意思繼續望。

喺一個新公司,卡卡搵我lunch之後, 搵唔返路返去
搵到2點3....準備搭的士
但係的士司機話兩個路口就到, 因為好近唔準備車我

在我眼中睇, 啲路好似一樣樣
但係原來唔同區域，就算同一條街都會唔同

其中一條路通去沙灘