Thousand Year

師傅夢中與中學同學愛愛
我夢中去了一個地方
大家都係著埋同一款貓仔底褲
仲有啲咩呢...零零碎碎

A喜歡B, B喜歡C, D喜歡A
A見到個男仔同第二個女仔一齊
就好唔開心但係又唔講得出聲

我打電話去白撞、去套料，扮之前有同過乜野同事溝通訪問過
問佢公司幾大、被訪者用咩電話
我同事聽到之後就喺側邊講呢講路（類似直接指住佢個頭質問佢係咪識邊個，某日有冇同個個人影過相，啲相仲喺唔喺相機咁）
之後有個假象，成坐樓啲人都俾我地訪問晒
係大家都落樓登記返資料
我開頭仲唸住要套佢個email, 點知同事可以套晒成張咭片出黎。

發夢入信和做
之前一個漩渦、感覺有啲可怕咁醒咗
孿入師傅手臂入面

去小梅公司司戥腳扮見工，遇到一兩個同公司的人，為了唔俾人知我係小梅介紹
我打算話自己跟同事來，後來見到Thomas。佢話：啲人10點先打俾佢叫佢黎（應該十點開始in)
見工，唔係單對單而係group interview

另一個場景，身處正房爆布
我當時唸：我到過啦，應該唔會預重有好耐時間逗留
所以急步離開。
見到側田喺度搵路走，我奇怪：呢度原路黎原路走，點解唔識
就問佢喺邊度黎。
佢話：係番禺黎
我問：行來？
佢話：搭車

有兩個人喺一間房爆房，不斷有人打擾、問路
後來，呢間屋既成家人出咗黎，（原來係租咗間屋既廳）
被打擾完，培養返情緒、又被打擾。今次係被問花旗銀行喺邊
見屋主出黎就打算問下佢，佢都唔知。
返咗自己處，奶奶返咗來
要照顧佢問佢食咗飯未。

發了不好的夢...夢中要返學，但經已是中午
睇時間表個日下午上咩堂, 但係睇唔明

返到去排隊入課室, Donald到咗
有兩個女同事原來喺度排緊隊

公司派大信封比我同李揚民
我忍唔住同阿姐講：其實有樣野想講好耐，我想辭職
然後阿姐好嬲咁話佢唔會留我。

睇返成本相簿好似記念冊咁，手寫咗好多野，夾住我啲相
開頭我唔明點解會俾人派大信封，入面有好多唔同類型既單
到底係乜野既人事變動呢？

我估因為我喺一個公司活動俾人影到食煙，所以阿姐俾人炸型
我冇話改，仲話要走、佢仲加嬲。
啲同事入晒房briefing, 我冇入。大老闆打黎，落個指示唔清楚，我敢去追問佢。

出去食lunch, 原來阿姐都喺度，我扮講電話有野做走咗去，為咗避佢
雖然我打算做到年尾，但宜家走都唔壞

食飯個商場，升降機判頭打俾我報告話升降機困人佢地跟緊
雖然我心唸唔關我事都報俾我知，但我既反應係，我咁啱喺個個商場，差啲想過去睇。

唸吓，我經已唔使理會呢間公司既任何野，黎緊呢個月只做自己本份就夠。
就走咗去了。

在外地親人的家，答應了舅父交電費
但因為要離開，急忙由美國走，太趕做唔切，去機場既途中發現行理都未執
師傅揸住車、拿拿聲送我返去，仲要搵群姨來開門
第一站起碼有最貼身物品：護照

喺一個全部係灰色石屎建築物既環境入面，有啲好似In time既環境...
我見到有個女仔拉住卡卡衫尾，走入一條向上既斜路
我離遠指住佢地，佢地兩個都指住我。
卡卡走過黎想解釋，個女仔就好似贏咗咁既姿態
但係我話佢好醜樣...身體仲有異味
個女仔變得老羞成怒

喺一個唔算高檔既地方，同親戚食完飯
我返到屋企睇dvd電影，睇睇下媽咪問我有關頭先利是既問題
我冇印象有收過利是，但搵一搵個袋入面，真係有疊利是。
外面落雨、我見有幾箱衫喺出面淋雨，個蓋都爛晒了
我想搵個膠袋套住佢。
返到入屋、啲人走晒，套戲俾人換咗

我在寶石出產地（沙特）住喺土部落（印加）
出入由當地人屋企時，我需要鬼鬼鼠鼠車出車入，我好避諱咁遮住自己全身

喺一間大店（專做遊客生意、開喺旺區）既店好多人，我都在行行看看
看到有對講廣東話既男女，
唸住大家來自同一個地方，出遠門，就介紹佢地去一個之前有女朋友滿載而歸既小店
一心純粹分享，點知比個男人懷疑（旁敲側擊咁用英文問坐咩class飛機黎）
我一氣之下就走咗

喺屋企沖涼，沖咗一段時間，花灑漸漸冇水。
反正就沖完，我冇理。
外面有人開門，我伸手喺沖涼房外開燈，但開唔到。
㩒晒所有掣冇反應。
出到去見到小朋友既阿妹同媽咪，瞓喺堆滿床既廳。
我話：我知佢地係假扮
阿妹：問點解
我話：唔尋常一，開唔到燈、唔尋常二，阿妹咁細細個
「咁點」阿妹問
我話：如果佢地一路扮落去其實我又容許佢地以咁生活落去既

約去唱k, 但好夜仲未出門，約個班朋友好夜都仲未有反應
到咗下午先有人問係咪6點。
我搵黎搵去搵唔到適合既衫著，發現有一個衣櫃，收起咗一啲新買既衫忘記著
個衣櫃唔夠光睇唔到入面啲衫點樣。
有本鬼故事書後頁有盞燈，點解要用鬼故事書去照明呢？
見到衣櫃入面幾本政府圖書館書未還，唔知邊個借既

搵極都冇啱心水衫，印象中有條裙想著，係以前既校裙
但搵唔返、同埋唸唸吓唔適合。
我又想起阿妹有條灰綠色長裙，不過都唔覺有
最終都搵唔到啱心水衫。出到去、發現女仔免費之後。我似為會勁多人排隊
但係冇。
唔通啲人怕羞俾人知女仔去夜總會？
話6點集合既人、9點仲未見，因為我冇回應表態出定唔出, 所以佢地取消咗？
但我明明見佢地約「好」咗，由於咁我打途回府了
其間打俾sasa, 佢一拎起電話，不斷同佢個邊既人講野，都冇喂我。
佢仲開玩笑話「打錯」。於是我就收線了
佢打返黎問我係咪有事，我係唔開心，但唔想喺呢個時候講出黎。覺得破壞別人心情，但又唔想扮冇事
淨係想收線，但又係會更加引起佢注意...

只想一個人靜靜

夢中...一班人返完大陸, 回港

有一段排骨水喉「爆喉」, 要將一舊Lego一件件面件拆解
直至顯示到真正原因。
之後我將一件一件leog放返入display透明盒, 一件件咁擺好,
喺我用心咁執既同時, 有人將堆lego草草收拾、
可能我既方法太慢, 我冇因為俾人胡亂收拾而有任何反對, 反而接受咗別人既做法。

一個建築物, 有六間房係室內泳池, 泳池裡面好多好多人, 多到迫實晒。
我換完一件黑色有被肩最新款泳衣出來。
啲房入面冇燈, 其中一個池忽然冇水, 我出咗個間冇水既房, 另一個池又無水
感覺係一間間咁無, 我意識到要逃跑, 並且係第一個跑出去
外面有大水, 建築物落閘, 以保障入面既人唔會俾水灌滿

另一個夢, 我橕住隻透明獨木舟。
因為個漿爬唔到, 我可以用想像(或者係念) 去修正隻獨木舟既形狀, 包括個頭要窄啲、船頭低啲
隻獨木舟控制得唔好, 船頭成日會撞漿。我要多番修定。
忽然, 我可以將手錶支針抆起, 個人就變成自動無重浮起來。

夢中...要練習一個用手「收發」既力量
以「收+發」來攻擊...
要去唸「將個樣野吸埋黎」+「將個樣野彈出去」而產生既運動，去進行攻擊...

船上很迫、很多人

有一個人得到一粒石
佢將粒石, 整成頸鏈上頸背既珠珠
到咗後來, 成隊人拖埋狗仔黎要搵粒石。因為佢呢個切割, 使佢逃避過被追捕
人/狗仔, 都將呢個人視而不見。

有人話佢將咁大粒石切成四粒咁細、可惜咗
但個個人話，所有化學原素，拆到最細都係一樣

夢中見住有幾隻好細識飛嘅蟲仔, 搬住一隻青蛙咁大啲嘢, 係前邊飛過
我想搵個桶級住佢, 不過冇桶...得個盤
我級住佢, 但係隻野好似雞泡魚...咁一受刺激就會膨脹
變咗唔係咁級得實

聽緊一段youtube, 聽極都唔記得講乜既
阿妹問有冇聽過最新個集XXX。我話聽緊..
內容本來唔記得, 但係睇返簡介, 不外乎係啲
咩外星人、黑色星期五宜家潮潮變成黑色星期三等等...

秀茂坪屋企唔記得做乜...

我既生日
有人喺一間2層高既玻璃屋搞party
間屋係玻璃外牆、玻璃樓梯、玻璃上層地板
度度都塞滿人、有人坐有人企

我拎一盤朱古力分俾在場人士

我在做收銀的工作, 收到好多無謂替代品... 爛鉛筆...毫子
我要當住交費個個人面前一毫毫咁數
有幾個人喺後面排長龍, 因為可能就快到當月cut off時限, 我亦被人催促
但堅持唔係我既問題, 我仍然堅持要一毫一毫咁排好晒, 數清楚

有經紀問每月「月頭」交管理費既「演繹」
佢話「advance」以梵文既定義, 係頭一個星期。
我答：其實頭一個星期交都得、冇需要喺頭1st交，我地只會在月中進行動通知未交既人（寬限）
雖然佢好執著個日子，我想表達我地既容量，係大於佢所執著既個一日至幾日，我唔在乎1st交還是第一個星期交
同時，我想快啲ko佢呢啲咁細既問題，等佢唔使糾纏喺呢件事上面。

因為外內既壓力，我發脾氣走咗去，返去聚集地（住既地方？）
個度好多鄰居：有唔同行業，有識既人，亦有新人/訪客
我同新同事分享轉手唔管某大廈原因。

有個新鄰居、對人毛手毛腳，我沒有對佢客氣，話別人只係思想賤口賤，但係佢就實體化
當中有一個人...做咗俾人覺得賤既野（綠茶？）
呢個地方，只要分別喺唔同途徑接獲既投訴，個個被投訴者就要受審判。
呢個人可以選擇被唔被審判、離開呢個地方
如果問心無愧受審判，知道咗原因並接受懲罰或者辯護後，呢筆恩怨就一筆勾銷
嬲既人冇得再嬲、被懲罰既人亦冇得嬲。
如果投訴人有不當，同樣都會喺呢個時候受大眾正義既審判。
不過正當來講，舉報人是理直而不是存壞心。

學校大混亂、學校石像識郁、動物就俾人變晒死物

我逃離咗、身處喺媽咪屋企（大陸）
有三四隻猴子/猩猩識演奏樂器、亂玩一通後佢地話有20隻黎緊
玩樂器時冇人拍手，反而有20隻馬騮時啲人拍晒手。我唸，可能用念變20隻馬騮出黎係勁過將隻馬騮變到識玩樂器吧
我哋一家人同嗰日20隻馬騮排成2行、諗住影合照
我係第一行最前邊嘅右邊，隔離黐住我嘅係一隻馬騮，佢好似見外咁唔敢坐得太貼近我
但因為成排唔夠位影晒入鏡、我係咁拉佢埋
我哋坐既前邊有個架，有一層既層板避住晒我哋第一行個樣
老豆喺第一行既最左邊，佢郁手拆個層板、但佢冇事先同其他人表示，以致我呢邊啲野冧冧地
我幫手執返啲野

卓卓個bb仔瞓喺大床，但尿到成身成床濕咗個圈
我想幫佢換片、我見佢啲尿片用膠布貼住
我除咗bb條片、將光脫脫既bb反黎反去抹身

唸緊返唔返去學校，因為如果我，返去卡卡能夠就搵到我
我既Iphone可能壞咗，㩒黎㩒去㩒唔到。好在個同學仔有舊式電話，我記得卡卡number，我打到俾卡卡
但佢話學校危險，尤其是佢架車、唔好靠近，叫我唔好返去的意思。

收線後，我再拎起電話、裡頭有一個我識但係冇見過既男人，佢好似可以揸車來接我出去
我換咗衫就出到一條街
都係舊大陸既樣...屋得三兩層...黃黃地既街燈、近似黃昏開似泛藍既天空
個天有啲落雨、但係一時停咗、我喺街口放低咗把遮，向條街走去。
因為雨勢又開始大，我回頭去拎返把遮，

過咗一段時間，我都係返咗學校，啲人來門口參觀石化咗既動物
我行入啲之後，有隻大銅手、靜悄悄地喺池面漂過黎
我地（仲有另外既同學）見到佢大叫「爸爸」
有一班家長、跪喺門口大叫學校還返啲細路俾佢地，同我地叫「爸爸」形成一個互相呼應既效果

考試寫唔晒，仲有2-3版就見到老師收簿。
從來只有早走既我，未試過做唔切試題，我冇驚，喺度唸..程度改變咗還是我遲到咗？
收完卷之後，老師將喺一個同學仔度沒收notes俾返我，好似一個同學想拎呢疊notes出貓。
呢疊notes其實唔係我的，係由我向另一個同學借來溫習的。老師歸還俾我。

想搵terri同我唱雙簧講CS，有人喺班房教火柴點著某啲野，怕煙到出面，就關晒走廊既窗
開另一邊向街既窗通風。
有班人，包括db個Patrick 喺窗口抽煙

在一間房，大家都在吃米線，獨立飯餸，不黎食
婆婆來了，佢在想食米線定食飯（現實中昨日去過華潤超巿）
我覺得佢想食飯
但佢似乎想跟大家食麵線
我話不如一半飯一半麵啦咁。

發夢一大班人去了日本，我比大家早出了去逛小巷，看到一間賣襪的鋪頭，入面有打火機賣
本來喺近門口賣既係正常lighter(長方型）。然後行入啲有啲公仔、怪獸型火機
我問鋪頭個人拎怪獸型火機來看，但打開玻璃門後就搵唔返我想睇個隻怪獸火機
反而櫥窗後面，有好大隻無面人火機
我問幾錢，個女士答999！雖然第一下覺得好貴、但日元999即係70蚊，唔貴丫。
我問佢冇得拎來看，件野好似放咗好耐，有啲掂吓就散既感覺，我覺得店鋪個女人唔想我運吉，我覺得價格可以接受，就話買了。

點知原來我出黎行逛，冇帶錢、同電話，於是我就準備返酒店稍後先返去買。
返到去大家都起身了，去逛商場。
去到街巿。媽媽想食粟子，群姨話唔好味道的，但媽媽堅持要吃。
買了一串，剝開好似荔枝，入面啲肉透明仲有星星核，好似啫哩。
食食行行，去了一條石板路，行行下條路好似搖搖板咁會反覆升高沈低，要襯升高個下跳返上左邊地面。
明明係好時機升高準備跳返出去，但我同媽媽前一個男人喺度猶豫，錯失咗個一次跳出去既機會。
忽然就落起大雨。我拉媽咪企喺右邊一級好窄既石壆上躲避。
但係個級踩腳為好窄...

夢中星期六要返工
家慧一家來找我
師傅揸住架91、喺路口...(事隔太多日唔記得回憶所以想不起來了)

阿妹失聯（以年來計）物品都被堂兄堂姐瓜分了。
阿妹在夾返物品list、同盛餘物品，有一頁水晶list miss咗
原來大家姐話某次展覽會賣咗，仲表示幫水晶搵到好人家，叫佢放心
賣到$1000一條（係巨額）
我唔知道阿妹有啲咁既財產，都唔知佢地原來瓜分咗。但就算賣到好價錢（約三倍）都冇權賣走人地既野

原來阿妹既物品被一人一人輪流瓜分、去到最細個個哥哥度、先因為佢傻傻吓唔知啲郵票點處置，我先知道件事。
阿妹當時都返咗來。但係佢聽到大家姐咁講沒有反應。

經理叫阿呂喺樓下大堂sale車場加裝閘巴
我喺平台受把，有客上黎不斷鬧。我知道呢個係工作既一部份。
我一路拎住電話同我經理講住，個客一路鬧
我稍為試圖辯駁，解釋係為佢地保安著想，個客鬧得愈勁
阿呂報仲有個車位業主上緊黎，我先明，原來係經理接HQ指示，要故意咁講，去睇啲客既反應
安排我喺大堂（下游）就係為咗容易接收呢啲反應

之後有個熟客（唔係車位客）見我喺大堂，就同我玩佢新買個把電鋸。
佢作樣開鋸試機，我有啲驚，不過只能夠相信佢係作樣開，唔係真係會喺我頸鋸落黎。
後來有𨋢到佢就返咗上樓了
後來再冇其他客返來，我就離開大堂、準備返返office。