Thousand Year

Ian喺海岸底，放幾隻沖涼bb（有啲仲綁咗海綿）喺度測試水流
我話佢有時間就可以喺度雕花、佢話之前放個啲野都沈晒（真係好多立雜野半漂沈喺水底）
不過水好淺所以睇到。
我阿姐叫我幫手將一隻放遠啲，我有想過好冇好似ian咁落水放
但我最後選擇跳喺一隻小船上面、放遠咗隻小黃鴨就跳返上去。
Ian仲喺碼頭底既木入面拆走兩個測量儀、喺一座樓起之前測住個水位、起完之後再測
睇吓水位低咗幾多。
我唔明點測先準確，係咪要固定潮漲或潮退時度，先準

後來返公司，阿姐同全部人好似玩到顛咗咁。就黎夠鐘lunch完、我話我要走、阿姐仲想玩
我話公司冇人聽電話
佢話男仔唔使聽（就想留底男仔玩）我準備唔理佢閃人，點知俾個男同事頂住條路
其實佢地都唔想留，所以唔俾我走攬炒。
後來一班人偷偷返去

有人用水，洗剛才買既青蘋果同橙準備食，但個蘋果既底溶咗
我以為我幫人買咗次貨
試咗其他好幾個都冇咁既情況，原來佢第一隻用洗隱形眼鏡藥水洗，可能因為咁個蘋果先爛

一班人玩玩鬧鬧就收工
我要換衫、但冇拎衫去廁所，就回頭...

我約咗媽咪、舅母一家10點飲茶。
中途經過一個地方，喺間鋪入面、我同卡卡唸住隨便逛下，
見到識但係唔太熟既人，玩緊個盒仔（大過遊戲機細過鞋盒）
一路順住一個人出生年月日、去移動盒仔入面啲機關、就可以推算出個人會點死
我想買黎玩、但係手錶版要94x,xxx，時鐘版好似多一個位數既價錢
似乎唔係休閒玩具級，可能係專業批命用.

朋友話有個網站都有類似既野，叫我上網search..其實我聽唔明佢講個網站名個英文應該係點串..
佢話打個G字...然後彈咗啲中文game.類似神獸傳說之類..search咗出黎都唔知邊個啱。
問係咪呢個網站冇人應我。
我睇個網址有冇G字頭既..好似有個G.. O.. E.. L (類似呢幾個字母組成大約5-6個字）既網站。
我試試下，好似試到個咁既網站：入咗資料、有段影片...個個故事好似係比喻緊一個人既人生。

我玩到遲晒到，去到飲茶既地方經已11點。
媽咪嬲嬲。我見到三舅父一家之後、同阿win玩
阿win入咗之後，段影片好多性既元素喺入面，睇到佢好不安（可能要喺屋企人面前，睇住唔知係咪象徵住自己既故事，而內容有啲黑暗，所以不安）
然後....就好似醒來了

同阿妹+媽咪+卡卡阿焚遊日本、日本個邊有大伯娘+花嫂+潔明哥哥及勉姐姐佢地
我地好似為咗探佢地返去。
今次我完全冇plan行程、亂咁由得去到邊食到邊。
喺一間賣立雜野既地方樂而忘返（有袋、地球儀、筆、文具、擺設、指甲油）
老豆喺度想買個地球儀，我話你有地方擺咩因住俾阿媽鬧。佢堅持要我就走開咗了。見到隔離個層有好多月球儀。
到咗打烊要走了，俾錢條龍超長。

夢中一大班人
喺個飯宴入面

一堆新記既舊同事
一個db舊同事
喺宴會既出面聚集住一班人食煙

之後，我唸到...有關意念既問題
我只要想象自己既形態、應該就可以成形
醒來後懊惱...本來夢就係可以一瞬間轉化，而且因為無明就受限了

身處喺一個好大既hall（伊館咁上下大）有一班人在唱國歌
領袖人係個好瘦既鬍鬚佬。國歌播時佢好激動、跟晒拍子拐杖揼腳
跟住係一節好重鼓聲獨奏入面、其中一個鼓手個鼓改裝咗、有支槍
佢襯鼓聲, 掩飾槍聲, 在掃射會場既人
除咗女人同細路。我同隔離一個細路冇事, 但隔離個啲男人就中槍。
我同其他細路立即逃跑

亂槍射人個個可能係為咗反抗、而我同啲小朋友又唔係自願喺度，所以算係同一陣線。
我地亂走亂走, 毫無目的/計劃咁逃避追捕。
轉身通道入面係浴場, 入面一隔隔既淋浴室
走呀走既一班人，有個人將成身沖到泡泡既小女孩趕咗出去
我唸：係用佢引開啲人既注意力？還是忽然有個逃跑機會所以要佢咁立即走出去？
我避到其中一間，但避錯咗係個敵人既沖身室
其實佢冇唸住殺我，但呢個敵人一見到有兇神惡煞既救兵沖入黎時，佢就下意識地去拎放喺牆頂既槍
我為咗避免救我既人會受傷就一手搶咗支槍...

一個人喺台灣旅行, 喺床上時電話facetime響, 接聽咗原來係明叔成班人, 佢地話過緊海來港島
我唔記得佢地黎做乜, 佢地話2點小茉莉來開party嘛
我嚇一跳2點？但我仲身處台灣我係咪miss咗啲野。我想睇日子時間但電話、電視都睇唔到...
電視個日子仲set咗2007年...我想睇email, 機票個回程日子係咪應該沈日, 果然我係錯過咗。
本應我要之前一日回港。

我立即訂返當日來回機票、但淨係用佢回港個張。
但我唸...明叔點解會用FaceTime, 佢係咪要幫師傅confirm我位置呢？明明約好咗，但佢地見我仲喺台灣點解冇驚訝？
唔通佢地同師傅夾埋想黎搵我俾驚喜我？咁我仲好冇買飛返香港呢？
不過如果買機票用師傅長信用咭佢會知道我行動，應該唔會壞事既...只要我將一切都放出陽光下進行就得...

喺一個戶外用餐, 見到天空有發光既雲
我想往常一樣, 影低台灣既天空。
忽然, 發光既雲變成一串串龍貓巴士形狀
我拍底短片, 一串串貓巴士由天空既右邊橫過左邊。之後仲有其他2-3款既動物。

杜如心在街頭做拍賣
一個公仔毛巾由$38拍起、每口價$2、最後$42成交。
最後一口價由一個既肥肥地女士成交。
杜如心將佢叫企上枱，但係個女人拍跌唔想上。最後勉為其難咁上咗枱但係踎喺度。

我坐喺隔離檔啲梳化度，一件拍賣品完成之後，有黑社會過黎梳化收每人$80。
我唔認為要俾錢, 因爲張櫈冇寫。隔離個男仔俾佢屈錢, 夾硬喺褲袋拎走咗幾條野。

我同個黑社會分析咁搵錢風險太大...拍賣個啲野賺盡都只係三四十，為咗補貼而去擇呢啲梳化，首先虧蝕個租同生意額，而咁既夾硬收錢既手段如果有一個人報警佢就多咗麻煩。

11號好唔想返工, 於是去咗睇醫生
睇完返屋企瞓咗一個下午, 就好似真係病得好嚴重咁。
但係就算瞓覺, 都夢到返工既情節...
12號返工稍為處理咗啲公務, 唔願返工病又發作, 再決定請假。

夢:
地點喺類似九龍塘附近啲獨立屋返工
時間好似係好多十年前既鄉間地方
本來拎咗半日假但係都返咗工
想去洗手間但個洗手間極度污穢
要逃走

返大陸, 踩住架大單車, 姨媽被架單層巴士碌過隻手
我抱起好瘦弱既姨媽、期望卡卡來幫手睇。卡卡睇過話冇咩事既。
我拎住姨媽...好似拎住隻得個頭既老鼠咁

去到目的地, 成家族遊湖, 唔知點解有個新朋友跟住咗一齊, 仲遊完一齊食飯
之後我地返去打麻將, 有人副牌好靚, 好似打天九咁打直9隻咁排
最後白板同二索做眼
其中二索有五隻，我話降完有得摸多隻撈月
雖然唔知摸完應該邊隻先叫食糊

個新朋友仲未走, 喺度炫耀自己做咗啲傳銷, 自己有好貴既雪糕食
個雪糕好幾萬一隻, 宜家食俾我睇

不過我見到佢隻雪糕之後, 好冷淡咁對佢話：Godiva既松露雪糕做緊特價三十幾蚊之嘛, 邊使咁多萬...

喺一個建築物入面, 個橫樑有裂痕。間屋好似就黎要冧了, 屋入面仲有個小女孩
個小女孩被救了出來, 同埋執走個間房既野。
個地板谷起, 谷到成隻鑊咁大
以為就爆, 但又凹返落去。

誤入一間酒店既Spa區, 有人喺我身上釘咗個牌要收我$30。
我話我啱啱入黎, 乜都冇使用, 亦冇打算使用喎
但佢話門口寫咗進入咗就要收費, 我十分唔滿意
有酒店人員要氹返我, 整好多港式食物俾我
我唔想咁樣拎著數, 我問咁樣要幾錢, 一件事還一件事。
一班同事黎到, 我同佢地一齊走
走個時, 我將剛才酒店俾我既薯片掉走唔要, 但我經理鐘意食薯片唔捨得我掉

我要去青衣某處
喺巴士度遇上Samether, 佢話好耐冇人咁叫佢

喺明叔tata屋企, 玩一個遊戲
遊戲係兩個人玩, 喺地下要喺自己個格入面2隻色之中揀1隻色
我唔係好理解、玩緊既兩個當事人都係摸索緊。到底要喺同一顏色格入面決戰、還是唔同色區入面決戰呢？
Tata拎個reset掣出黎，好似眼影咁一格格、又好似粉盒一舊舊棉花，同地下個一大塊既間區個分間一樣
遊戲得一張毯, 但有兩個掣, 邊個先係對返宜家地下個個呢？
我同明叔睇緊, 後來啲棉花撞亂咗要砌返, 同埋染咗唔同顏色要洗
熙熙同明叔各洗一盒

喺一缸水上面（好似魚缸咁大）有啲顏料，我地喺水面寫字
有啲顏料沈落底、有啲顏料化開晒
寫極都寫唔出啲乜, 原來某種顏料（唔知係咪油性個隻）喺沈入水既過程中會變成個立體字
原來呢個係一個做立體字既方法

身處一個好似葵涌既地方...同Lisa一齊
我倆喺街度抽煙時, 見到andy擦身而過
佢, 好似故意出現喺我面前咁

我不斷兜路避開佢
雖然歸家路程好近, 但係我都跟咗lisa上的士
唸住兜一段路賣甩佢

但轉個幾個彎仲係見到佢跟住, 我唸可能因為坐住藍色的士太揚
最後, 喺屋企樓下, 見到佢喺度等住
果然佢係知道我住邊。

因為十分無奈咁扎醒
醒來喊起黎...

師傅安慰著N, 話會幫佢打走andy
但係喺N心目中, 一個乜都做得出既人, 同一個會思想乜野做得乜野唔做得既人, 係唔夠佢打。

碌咗一段時間床
第二個夢入面阿妹將我既事, 同第二個人講
令到我感覺到好嬲。

最近既夢入面都有阿妹, 到底阿妹係咩呢？

返學返兩點，但係到一點個時，阿媽仲話要食野
我唸應該夠時間既...
就喺好似坪石村（順利村）既村入面, 搵咗間茶記

我在官塘返學, 不確定係返嘉喇撒嗎？
校服找唔到，搵到條裙但搵唔到恤衫。
裙太短、恤衫亦唔似係正式個件，媽咪俾咗對白長襪
一切都唔似做得啱

返到官塘站見到Lisa, 佢話換咗校服嘛
係宜家藍色灰色個套（返工個套制服）
然後有一個識既同學...
係電咗頭髮，但係留班既Tom...

都未上堂，就要考試
考試既課室轉黎轉去，亦冇發考試卷

一班同學各出奇謀出貓，有人將啲答案寫既個食物度帶入試場
本來我都準備去拎個寫滿答案既麵包，但係覺得啲字咁大隻，出唔到貓
加上我根本毫無準備、有貓紙應該都係唔識
所以冇揀到

有啲夢，一醒來要捉住先記得...
有啲夢，醒來唔係咁容易揮去...

夢中，因為阿be上過我間屋，結果俾andy搵到我。
佢纏住我、仲有一班DB年代既舊人

樓梯好跣好跣，好似一層厚厚既油
我同大風，基本上行唔到

喺長洲最後一班船...

我+大風+小林喺海度玩, 大風玩滑浪, 套衫係成身潛水衣同埋對鞋係蛙鞋(而唔係滑浪板)
我著住對蛙鞋甩咗, 對鞋一路向下沈, 我地三個一齊潛落去追

一口氣潛落水, 到咗啖氣極限
應該上返黎，但仲差一步。我喺水中吸咗一啖氣...

但對鞋潛唔返, 只係大家一人執返一隻杯
我奇怪問，隻杯係咪可以好似潛水樽咁, 喺水底可以換多啖氣

佢地話：大多數唔會

咁點解要拎多樣野呢？（多一個跌走既機會）我實在唔明白...

O's 夢

駕著電單車、但發生意外
本來因為自己無牌駕駛而好擔心, 擔心影響工作。
但係有一刻會唸：驚乜，發緊夢呀。


N's 夢

醫院、飛機上，同一個人不斷敲門
同同事喺中環去食中午、同事們度度都覺得好貴、其中一個同事介紹去醫院食
我食落覺得醫院飯好難食、食完飲一啖個湯、有冰喺入面
我走開咗，去搵雪條食

之後成班人喺醫院天台、見到對面樓晾衫架鋪咗一行帆布。有啲鞋影喺布上跳跳下
以為有人洗完鞋, 喺度拍乾佢、原來係啲小朋友喺上面跳
我示意同事望，大家都好似睇啲新聞咁去評論，如何如何危險。
後來，真係有個小朋友跳咗落黎、啱啱跌落我地天台，有個警察立即去施救。
同事教要拉直佢隻腳，但警察話拉唔直，個小朋友對接咗。

後來有對母子出現，原來係醫院stand by既廣告，要來向病人推廣奇跡
佢地分享遇到某啲事都冇死、仲好返。

我再食飯飲湯、個湯仍然係凍。另一邊同事食飯枱後面有一盤熱騰騰既湯。但佢飲咗一下自己面前個碗湯，佢承認都係有啲凍。
喺醫院入面既呢個空間係屬於邊個既呢？
有個女人好驚恐咁敲門求救。
我注視到張床愈變愈細、愈變愈街頭露宿既床，床單又亂又污穢。睇到一個人+傭人，由一家人演變到孤家寡人
似乎呢張床解答咗個疑問，本來係一家人住既房，現在好凌落。

喺飛機度，呢個女人又病發。本來坐住駁住安全帶既人
解開安全帶來安撫佢

我喺總公司字樓，有一堆堆二手書
我睇睇下，入面有漫畫，我想掘啲儲（jojo）
搵到啲唔齊既漫畫，整咗一輪、it Vincent Wong 佢話會by courier 俾我
並會根據大細收$5、6、7本。我覺得實在太抵了。樂極忘返玩到凌晨3、4點。
我唸返正都咁夜喇、就返上去睇多陣，打算9點返工直接返去。
點知回頭去到見到公司門口好多人圍住，係一大班記者。
心唸：公司一個人都冇可能係預兆。因為某啲原因，運作要停頓咗，所以冇晒人返工，所以有班記者喺度。
我唔想上鏡，但唔知有冇俾人影到。擾嚷咗一輪、我偷偷地走咗。
出到去...唔知點解著住制服，拖住卡卡，突然見到K字大老闆
佢竟然喺條街度...冇人喺身邊，喺度行樓梯。（平時有護衛）

佢認得我套制服，對住我笑笑口，
我對佢地點頭打招呼，拖住個個變咗余文樂
好似志明與春嬌入面咁
有谷德超個班人喺度講是講非

課室發生一堆混亂，有個壞人入侵咗
回想呢個人曾經喺一間房閃過出黎，但當時我冇為意，冇聯想到原來係壞人、仲係有槍既壞人。
後來，呢個黑色既人出現，一槍射校長個肚，我連自救都好勉強
在校長被殺既一下，我除咗識抱頭躲避，乜都做唔到

返工要遲到了
原來之前一日放假去咗camp，之後係申請咗AL
本應唔使返，但我都在lunch前去了pag再返工
可能可以掩飾（遲到）亦可以表現（放假都做野）
返去就以校長召集為由消半日假

阿姐買了一個很磨登的掛牆式cd player
徐小姐問邊度買，阿姐好緊張傾住電話（同其他人講野）

在行一條好窄既路，勉強只可以2個人身位
我同卡卡行外面前進，另一班人對頭行內側
好多冷氣角鐵架要避
對面線有人想爬頭，變咗塞住我路，被我大聲鬧
結果佢地回頭，有人幫我開路
抆開啲好似鐵絲網既蜘蛛網
我在唸：普通一個女仔唔會適合行呢度

同卡卡一班朋友坐喺圓台食飯，生保既我冇乜交流，卡卡坐我後面既卡位
我同卡卡講，叫佢：嗌我玉蝴蝶
俾坐佢對面個人聽，喺度到笑。卡卡立即好大反應扮唔識我
後來圓台既人互相哇哇嘈傾計，我搭一兩句嘴，就俾人偷錫咗一啖面
我好嬲，但係唔熟個度既人，唔敢大鬧、亦怕落佢朋友面
我好認真咁話：你想死
個個人笑一笑話：講都唔會有人信我講既野，所以佢唔使驚

喺康柏既管理處入面返緊工，有人搵我，我喺正面開門出去睇
係以前低電保養個師傅仔。佢企咗喺入門之後個個角，我開頭第一下都唔認得，變得好高、背對住我。

喺一個空曠既公園、一座得一層既建築物入要參加一個護士講座。
可能覺得唔關我事，我一入到去就瞓覺、瞓咗一輪起來，想去一個洗手間。
喺洗手間回來之後就散場了，我在慶幸好在剛才去的係時候，否則而家去就要排長隊了。
我其實唔知頭唔知路，又唔係好關事咁黎聽呢個talk, 所以完咗啲人走，我都唔知之後應該點。
直至啲人走晒，淨返工作人員
我發現，原來除咗一個著疑似康民署綠色紫色恤衫既女士，坐開一邊望住我地，係工作人員
人群當中有啲著全黑制服裙既工作人員（比較Junior）。
我見佢地好似de-briefing, 我就走了。出到去見到排長龍既廁所
我繼續走，見到個客（Albert L.)都有黎聽，佢話：係呀，衛生署話好重要所以要黎。
我心唸我根本一啲都冇聽到。

我地喺上水，個客如果返屋企可能會同我同路，但我想賣甩個客，就計劃喺上水廣場逛下。
我本來去時著住好多衫、有西裝褸有絨褸，走個時好熱我拎住兩件褸著住短袖制服。
我倆行到巴士站，個客好似搵到巴士返去。我話我想喺附近逛陣先，佢冇搵車繼續同我一齊行走咗
我想將件褸塞入個袋，但街邊度度個啲涼亭櫈上面都好似濕濕地
行兩步聽到「噠」一聲我疑似跌咗野。原來係2粒藍芽耳仔，一粒仲跌爛咗
我唸住執返砌返。之後Al搵到張櫈冇濕，我可以放個袋塞件衫入去
佢巧遇到櫈背係個識既人（好似係廖嘉儀）
佢好似好熟咁叫佢阿Paul, Ａl話好耐冇人叫佢呢個名，只有佢仲係咁叫。
然後我喺袋拎粒糖仔食，佢又話要食。

電視在日本天寒地凍Sale雪糕、仲有sale啲生果
但啲士多啤梨食落唔甜冇味

喺一個海邊（水塘）我著住便服踩住張膠櫈喺水面，靠岸之後, 張櫈就開始沈落水底（水深4-5米）
我唔想沈落水而濕身, 所以爬上咗岸邊舊石
我怕跌落水, 而緊緊挨住幅牆。有一刻唸：其實當佢係平地，可以好輕鬆落返黎
但我一路都克服唔到。
後黎我身處個位愈黎愈高，我有想過：跳落去只係清晰既水底
基於顧慮冇帶替換既衫, 濕咗身就咁濕住走, 我一路冇豁出去
結果我上到幅牆既最頂, 我扶住個牆身木板架。 架上面好多膠folder, 因為塊板斜而跌晒落水。
個櫃都開始散散地, 我開始扶唔穩, 企既地方開始要跌
（醒來懊惱...係咪今次唔夠嚴峻....所以冇因高處跌下而夢醒）

成屋都係人, 我唔見咗電話, 走堂冇得喺whatsapp報射波
熙熙買了$230 M巾叫我記住
返到學校扮喊扮唔舒服, 班主任唔知知唔知, 女班主任陪我走
(原來我地喺深圳) 佢想撩我一齊焗桑拿, 浴鹽之類, 我話做療程冇病假紙
睇醫生又要返落香港咁遠。
我唸隨便睇咗, 唔認可都叫有張紙。
喺埋一邊吸煙位置, 老師一齊食, 我幫佢點煙, 有個男人又隊支食晒熄咗既煙埋黎
我話佢係食晒熄咗唔係冇著, 佢俾我睇佢個頭咬爛晒, 然後吐返粒珠出黎
好變態
之後有個喪屍撲落我度, 按住我個人
我在反抗, 並唸：要俾呢啲野發生既意義

宋仲基唔記得之前做乜, 後來有套戲, 係集合咗佢《軍艦島》同之前一套戲既續集
佢睇完冇乜在意咁在打機。
我問到:另一套係乜戲, 佢話:唔記得, 我笑佢:自己拍過既戲都唔記得
想search宋仲基xxx(戲既劇情）

入睡前、又被好大聲既「噠」、「噠」聲嚇到。
夢中，被人帶到金鐘地鐵天橋上蓋。話係全金鐘最靜既地方
當時, 雖然好多人望住, 但的確係附近冇乜人。

我既視線一路升高, 變一個俯瞰畫面
開頭, 有因為高而有啲驚, 後來, 因為呢個驚而知係夢, 有想過跳落去既感覺
然而我繼續俾自己升高, 夢中醒咗之後飛咗一輪
可能我好用力記住呢個感覺，覺得喺呢個狀態維持咗好一段時間

在想做乜好...去搵卡卡、卡卡都唔記得啲夢
有想過搵樺嘩，或者一啲小朋友。結果只係隨意飛。
我就隨意地睇呢個世界。
呢個風景好似同現實差唔多, 但又有啲唔同。
金鐘叮叮車路兩邊係有樹, 但個啲樹有紅色同橙色果實

我去到一個離島, 有個好舊既村莊。 喺墳墓對出, 有舊廢棄咗既大船, 有一班人喺入面玩
我同一個人（唔知係小梅定阿妹）入去, 個班人問我地玩開乜，有咩能力
我同佢地講我家吓係清明夢狀態過黎（唔知算唔算佢所講既能力）
跟住佢地有問我想去邊，我話或者去啲好難去既地方例如埃及、北極、秘魯、洪都拉斯之類。
佢地話去埋啲tvb旅遊節目熱門地，我好耐冇睇tvb唔知宜家電視原來有去呢啲地方。
之後另一個同我來既人，叫大家捉住佢手、疑似想表現十萬伏特既通電。
之後....好似就完結咗呢個夢....

之後, 有啲似繼續返之前躲避野既夢
有小梅Gary, 同埋一班大風舊朋友林栖, 去到一個島...
黑漆漆既海、旁邊有小木屋, 我地過咗一個星期六晚。
有人問我星期日晚留唔留，我開頭唸住冇事做可以留。
忽然有架直升機來接我，我要走了，有人唔開心。
我搵阿梅、唸住問佢需唔需要走、但想起佢第二日返工既地方，有中環碼頭、應該都好方便。
我唸, 佢唔會好快咁落到個立即走既決定。
所以冇搵佢。

喺一啲樓 要匿埋躲避被某啲野搵到
本來喺一座天台...但愈黎愈多人, 我擔心俾個啲野搵到既風險
所以轉地方



可能係一座未起好既樓, 但又冇權入一啲機房、隔火層之類匿埋
入咗海怡, 見到db班舊同事、舊老闆

再夢到身處喺, 好似敬良屋企個種有天井既大樓
知道啲行車線既規劃, 右邊入既路要share, 所以窄啲
或者因爲窄啲, 所以share ...