Thousand Year

記錄裡

夢的比例開始愈來愈重

日間，沒有值得思索既事情？還是不想去、無時間去思索？

睇SPLIT, 除咗睇一個演員點去戲劇化地演繹DID特徵之外，N沒有抱持任何期望去睇呢套戲

DID特徵係喺同一個人身上，可以「感覺」到唔同既人。所以每次James mcavoy 講野時，N都好留心睇佢小動作、口音、聽調。衣服大概係俾大路既觀眾容易啲分辨唔同人格「登場」既特徵吧。

除咗呢啲，呢套戲因爲極弱制造出黎既極強人物：怪獸，同埋「潔淨」理論。係書入面冇既新原素。這就是電影吧？導演有傳遞另一啲訊息既自由權。

其實做人，都有傳遞訊息既自由權吧？

在文憑過後，要唔要再繼續讀書生涯呢？這是Ｎ最近在思考的事

N因為受不了兩個大物塞在床尾
佢想到：不如托小朋友的姑媽, 襯聖誕節去送佢地。

師傅1點將個一袋大大舊既玩具拎到地鐵,
N在上環站轉交了。
隔天, N收到andy msg疑似順豐快遞, 之後既一個晚上, 傳來了在玩的短片。

N最近在聽無視的網台。也在無聊的看20世紀少年的漫畫。
忙碌的12月, 完成了公司活動, 完成了報告, 完成了周年大會...
N決議要放假前搞清楚CS的考試內容。
5月：衣服的安排、酒店機票的安排、註冊文件的安排、媽媽們行程的安排...
Muilt task中

N病了.. 12月係咪會病既月份....N在回想 由幾時開始...一病就會發燒...一發燒就會氣喘 以為知道原因就唔會病 但原來，有啲事係明明知道都避唔過

凌晨四點醒來 沒有深刻既夢 瞓唔返, 就無聊喺電度, 做2016年的回顧 拍拖、陌友、舊朋友、返學、拍拖、屋企人、拍拖、舊同事、工作、屋企人、舊同學、朋友、屋企人、陌友、玩具車、石頭、拍拖、屋企人、陌友、屋企人、讀書、屋企人、工作、朋友、石頭、陌友、拍拖、屋企人..... 以上排列根據微信圈既發圖記錄粗略統計。當中深淺不作記錄，只計出席次數。

台灣, 係N第一個坐飛機去既地方。
有D事情, 第一次係會有好深印象, 然而個個年紀既N好多既第一次, 都冇乜印象...
外遊、生活、朋友、學習、家人、生離死別...都, 冇好深既感受。
彷彿, 呢段時期, 唔係好集中精神。
好似, 個一部份只係copy自別人, 有記憶, 但沒有感覺。
就好似同人講呢部戲我睇過, 呢本書我睇過, 呢首歌我聽過, 如此...已。

所以, 後來的台灣, 沒有以前, 沒有後來。沒有改變, 沒有不變。
沒有「過去」、「將來」...「當下」又會係乜野呢？

「你要被馴養了嗎？」小梅問

「嗯」N答。

「老婆，小梅話你要嫁比人了」老婆說

「你別哭了」N答。

同文員同事Joanna去土瓜灣安老院探訪一個去年4月中風後一直沒有復工的同事。 個位同事的精神，與那時剛入院時的狀態好多了。 人, 都是：今日唔知聽日事地，得一日過一日地活著的

一起去紋身的添添問了N一個問題，關於個紋身圖案，有冇問過師傅？
紋身是個人的事，N不是第一次，圖案定義，位置等等考量，都很清楚。
就如師傅思考置車既事，N都沒有很多想法。

如果師傅問起，那是一條什麼方程式，或者N會答：那是一條既可以是存在也可以是不存在的絕對共同重疊狀況既方程式。
鑑於粒子運動可能是隨機性的，科學上並不能計算出下一粒原子既方向，所以無人可以準備預視到結果，直至個結果反映咗出黎。
科學可以統計大部分粒子既運動，而得出鐘型研究結果。然而，黑天鵝效應講的，正是鐘型結果中，最頭同最尾既可能性結果（少數既結果）引致既重大影響。

對於火雞來講，999日既甜蜜，換黎1日被殺，算係賺了？
就如最快樂既日子，最終仍然會失去。過去既快樂愈多，最後承受既傷痛亦會愈大。
最後個1日既結果，其實只係Level返個999日？

N與添添相約在9月3日，喺一個特定既日子做一啲想做好耐既事：紋身。

每每想向「內」探究時, 唔知點解總係會發現一啲對「外」既連結
今天、昨天、明天的前因後果, 連結的是人生, 是社會, 是世界？
微觀既世界...個體既個體既個體...粒子, 量子裡, 存在既理論, 係同萬物, 天地, 開始終結....宏觀世界以同一套理論運作嗎？
混淆了量子力學，其實是哲學嗎？。所以, N一本又一本睇落好似毫無關連既書, 交雜著咁睇。

丈量世界（Die Vermessung der Welt）一本德國人寫既「小說」洪堡、高斯量度「世界」係方法。以雙腳走遍每一個地方, 還是抬頭憑星宿而為自我而「定位」?
量子力學呢門學問，Ｎ一路都認為係被住物理皮既哲學課。就好似生命之花，以海量數式去解說各式各項虛無既題目。
因為，初時以為薛丁格的貓（Schrodinger）係一本哲學書。
存在、不存在。不完美既固有理論、被新理論取代。牛頓、愛因斯坦...
所有不解既迷, 宇宙既邊緣, 係另一維度不被我們理解...就如蟲蟻並不理解點與點之間(X軸), 還有一個高度(Y軸)
點先可以沖破限制, 知道真相呢？人受限, 又係咪真係自選既呢？

黑天鵝（Black Swan）入面描述人既思維模式, 只能習慣根據過往「已發生」既事件作出判斷。
呢Ｄ事件可以發生咗一百次、一千次、一萬次...
但係愈係自信滿滿咁以「歷史」或者既有的事情生活著, 就會忽略咗事情既真相。那怕個真相只會出現一分鐘、一秒鐘。
就好似火雞, 過去一千日被人善待, 養得肥肥白白的。
唔到最後一日,都唔知道, 待佢最好既人,只係要從中獲利。
人點樣先可以唔做火雞？
對於過去個一千日既舒適日子，或者過去個一千年理所當然世界只有白天鵝，面對最後一刻被劏，或者就係發現到一隻黑天鵝...所有歷史都係徒勞的。

事物的本體, 到底係點既呢？


N發現「其實」好似變咗自己口頭禪。
呢個字...係咩原因經常存在於句子之中？

暑期中，睇了好幾套時空既電影。

Deja Vu,

Source Code,

The Butterfly Effect,

Predestination....
當世界由2維（雙向）到3維（x, y, z高度）到4維時間...推到5維時...
如果...過去、現在、將來...可以自由穿梭、轉換、交替。好似Lucy所講...We never really die...既模式時....
人生既意義或者將會改變吧

以前認為：風險（Risk）既控制好重要。
預防勝於治療，係由細到大既觀念。但良好既Risk management唔會受到賞識。
黑天鵝作者舉咗一個可悲既例子：假如911前夕, 有一個好有先見之明既議員, 喺議會大力推動嚴格執行飛機安檢措施。
並提意所有駕駛倉必須必須必須上鎖，以防止恐怖份子衝入機倉、威脅機師並將飛機撞向雙子塔，
繼而拯救咗千千萬萬巿民，亦避免咗之後個十幾年既戰爭。
如果事實真係如此，呢位議員會被高度讚頌嗎？
大概，只會引致飛航業職員既埋怨（因為要做既野多咗）飛機公司或乘客既不便等等，然後，呢位議員大概會屈屈不得志地途過佢既餘生吧。

只有危機之中（Crisis）先會亂世出英雄。

社會係咁, 職場都係咁。
每日刻苦耐勞服侍周到, 日復日月復月年復年, 只換得一個「不過不失」既評價。
不及半個英勇行為獲得萬人注目。
可能呢個就係打工仔們, 咁多怨氣既原因。
預防既措施可以多到無限多, 然而一做少一樣就可能會引發炸彈爆炸, 成為咗罪魁禍首。
但如果跳入水深火熱既危機之中, 喺預咗受傷而每一個動作都係挽救一個bonus時...
要揀...點解大多數人仍然寧願身處前者既工作崗位而唔去接受挑戰呢？

係因為習慣於「安全區」嗎？

去研究「歷史」彷彿係冇意識的
因為，永遠都唔可以喺一個結局，睇到真係千千萬萬個因。
某人、某本書、某個理論、某個學校、某個國家，所分析得出既因，其實只係個人想發放特定訊息，而去搵一堆相關數據去支持自己已。
事實既真相，只有當中既人，先接近得到。

就係講緊，好多研究同實驗，其實唔係尋找緊真理...佢地只係製造緊真理。
而我地學習既係，如果製造似層層的真理。

一開始放暑假的N, 海量地記錄著一個個平衡世界
然後, 忙著繪畫
然後, 忙著思考人生

師傅餓餓的一個月後，問：你最近冇發夢嗎？
N答：有，但係冇特別記呀。

連帶埋可以唔可以見阿BE既機會都冇記, 連其餘悲喜都沒有記, 彷彿日子就可以過快D。

N在虛擬世界認識既朋友，新添咗2位開始close既女孩子。 唱K忙碌著食野...喺嘈雜既環境，未能進行交流。所以，完場後四位女孩子選擇下一場節目。 有剛接受了求婚姻既女孩子、同曾經因為揭破受騙2年有婦之夫謊言而對感情關係產生懷疑既女孩子。 每個人都有畏懼既事情，每個人都明白...裹足不前係無意義的。但好多道理，都係千絲萬縷，實行起來變得談何容易。 N認為：只要唔係無明地擔心、無明地相信....就可以自在地前進。

四個女生+一個眷去尖東CEO唱K。 本來笨笨都來，但佢要與狗仔告別，所以放工急急忙忙歸家了。 知道大限將至...會係點樣既模式呢？ 當年N的婆婆臨走前，喺醫院時...子子孫孫喺各地趕來睇佢。N係咁多個孫入面，算係婆婆相處得較長時間既孫。 N幼稚園時...係婆婆帶返學放學，成日喺放學食腸粉、或者砵仔糕、或者菠蘿包。直到小學，妹妹出世先由阿媽全職帶我兩姐妹。記憶中，某啲爸爸媽媽唔喺屋企既日子，未識照顧自己既N同妹妹，都係有婆婆黎睇住。 大個啲十零歲，週未N會拖住買餸車仔，陪佢去超巿買米、買油。之後兩個人食一碗及第粥，婆婆總係只食粒豬肉丸，將其他餸俾晒N食。 出黎做野，試過同婆婆凌晨五點，由後樓梯上去燈都未開晒既商場入面、仍然未開檔既茶樓，自己沖茶開位。飲完茶先去返工。（宜家唸返唔記得點解會咁做） 婆婆最後個三兩年都開始懵懂了...唔知認唔認得人。佢抱過一下，得幾個月大既阿be。但bb仔著包住腳仔既全身衫，佢摸唔到啲腳指仔。N為此介懷咗一陣。因為個一次係佢最後一次抱曾孫。 最尾個幾年，N會幫佢剪吓指甲（唔知點解成日睇唔過眼會做呢啲野）。最後個兩日，N喺醫院都係唔記得點解又會睇唔過眼，幫佢剪手腳指甲。 婆婆臨走個兩日，N冇逗留喺醫院特別等佢最後一刻...聽聞佢見齊人之後，都安祥地走了。 咁多年後，婆婆唔知點了。人死咗，到底會點呢？N很好奇。對於拜山，N唔認為去唔到係咩一回事。去到亦都唔代表啲乜野。 「有一日我走咗，希望身邊既人都高興，因為終於可以去到成日想去既另一邊了」N係咁唸。 「雖然呢個世界好多不捨，但真係要走、真係夠鐘，份卷做得好唔好都要停筆了」唔知到再面對不可逆轉既別離時，係咪仲會記得呢個想法呢？

唔記得幾時睇過cube2。早幾日千辛萬苦搵返第一集黎睇。 第一集除了機關重重、人為求生存既各種善惡，N睇唔出套戲乜野意義。 但為著重睇第二集，N還是很集中精神地將第一集看完。就好似為了星期五的X men電影，N在追看以前的故事。 放暑期既日子實在是愉快，雖然今個星期開始，又要為三年班畢業project進入思考模式。 但能夠經常記起夢世界既片段，還執起書本睇....令N很充實。