close
「丹麥女孩」一套開頭只是以為係小眾對抗大眾既電影，是男主角演活「本我」同「自我」強烈背道而馳既心境。
一幕由赤裸既女主角Gerda為佢結左婚六年既丈夫Einar除去恤衫後，發覺佢入面著上左自己既女裝睡裙開始....
雙方背後由掙扎、到接受，就只透過Einar一個表情、Gerda一個眼神交代了。於0.1秒，就交代了足以寫三千字既經歷。
這就是電影者既功力吧？
Einar對女裝既特別情意，由佢為Gerda執起換出黎既衣服好好接起、為化完妝既Gerda抹去嘴邊既唇膏、喺掛滿裙子既衣帽間歡喜地一件件衫去掃、去觸摸、去感覺...
其實一一都係個鋪排。
因為美既執著、Einar對太太既愛慕、還是內心既女性對呢啲物品喜悅？
由Gerda接受、並愛屋及烏地帶Einar著起女裝，到Gerda接受唔到Einar漸漸遠離佢既表現、要求Lily唔好再黎...
由Einar開頭抗拒女性性格外露、到應許並盡力唔再有呢個非份之想、到後來不能自拔...
當中既掙扎...沖擊....都被電影既節奏拉住走。就好似好多電影中，輕輕一句十年後...仍然淡化唔到背後既沈重。
對於其他女性黎講，喺化妝品公司賣香水、同一班女生打成一片，是十分等閒既事。
但對於Lily黎講，就經已係天堂。歡喜之中彷彿因為得到一直以來想既生活...其實背後既悲哀，短短幾分鐘既歡愉，又可以傳遞幾多訊息量呢？
可能就係呢一切種種....令N成套片不明所以地激動著....從來，與自己鬥爭既一關，係最難過的。
全站熱搜
留言列表
